Вчера во 15:10 часот во Скопје, на подрачјето на Бит Пазар, полициски службеници од СВР Скопје го лишија од слобода 24-годишниот А.С. од Скопје затоа што на крстосницата на булевар „Никола Карев“ со улицата „Македонско – косовска бригада“ во Скопје физички нападнал полициски службеник кој извршувал службени дејствија, регулирање на сообраќајот за време на протест.

Полицискиот службеник е пренесен во Градската општа болница „Св.Наум Охридски“, каде му се констатирани телесни повреди.

По целосно документирање на случајот, против него ќе биде поднесена соодветна пријава.

Вчера во 11:50 часот во Штип, полициски службеници од отсекот за недозволена трговија со дрога и оружје при СВР Штип го лишија од слобода 27-годишниот М.Џ. од Штип.

При претрес во неговиот дом, извршен со судска наредба, пронајдени и одземени се повеќе пакувања со марихуана.

Лицето е задржано во полициска станица и по целосно документирање на случајот, против него ќе биде поднесена соодветна пријава.

Вчера во 09:00 часот во Кичево, полициски службеници од ОВР Кичево го лишија од слобода П.М.(42) од с.Лазаровци, кичевско. При контрола во патниот сообраќај, полициските службеници сопреле патничко возило „алфа“ со кичевски регистарски ознаки, кое го управувал, и по преземени мерки е констатирано дека е под дејство на алкохол, односно дека има 2,44 промили алкохол во крвта.

Вчера во 18:55 часот во с.Јанковец, ресенско, полициски службеници од ОВР Ресен сопреле патничко возило „бмв“ со охридски регистарски ознаки, управувано од М.П.(36) од Охрид, затоа што при контрола во патниот сообраќај е констатирано дека го управувал возилото со брзина од 105 километри на час на место каде е дозволено 50 километри на час.
По целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“.