Само неколку часа откако американскиот претседател Доналд Трамп изјави дека рускиот лидер Владимир Путин прави се за да ја прекине војната во Украина, неговите сили го нападнаа Киев.

Русија ја гаѓаше украинската престолнина од воздух, повредувајќи една 44-годишна жена и оштетувајќи неколку куќи, според украинските власти.

Overnight, Putin’s forces attacked Ukraine with drones and cruise missiles, forcing Poland to launch its combat aircraft.

In Sumy, two Russian drones struck a busy residential area, injuring civilians. Kyiv Region was also hit. pic.twitter.com/nRCsUUEz1f

— KyivPost (@KyivPost) February 25, 2025

Целосниот опсег на нападот не беше веднаш јасен, но соседната членка на НАТО, Полска, ги подигна авионите за да обезбеди безбедност на воздухот.

Полски воени авиони рано утринава го прелетаа воздушниот простор на земјата за да ја зголеми безбедноста, откако Русија изврши воздушни напади врз Украина, соопшти Оперативната команда на полските вооружени сили.

„Преземените чекори се насочени кон обезбедување сигурност во регионите кои граничат со загрозените области“, соопшти Командата, пренесе Ројтерс.

Вонредна состојба претходно беше прогласена на целата територија на Украина.

Три лица загинаа, а пет се повредени по уривање на градилиште на автопат во јужнокорејскиот град Чеонан, јави новинската агенција Јонхап.

Деталите за несреќата не се познати, но радиодифузерот YTN објави снимка на која се гледа како се урива градба во Чеонан, јужно од главниот град Сеул.

3 dead and 5 injured after a bridge collapsed in #SouthKorea’s Chungcheongnam-do today, according to local officials. pic.twitter.com/NK3JK6c6zL

— Shanghai Daily (@shanghaidaily) February 25, 2025

Вршителот на должноста претседател Чои Санг-мок повика на мобилизација на целиот расположлив персонал и ресурси за да се спасат сите исчезнати лица и да се обезбедат мерки за да се спречи понатамошна штета, соопшти неговата канцеларија.

Србија вчера гласаше за европска резолуција за Украина на Генералното собрание на Обединетите нации. Сепак, претседателот Александар Вучиќ смета дека неговата земја направила грешка и требало да биде воздржана, пренесува Анадолија.

„Мислам дека Србија згреши. За тоа им се извинувам на граѓаните на Србија и јас сам ја сносам вината за тоа, бидејќи веројатно сум уморен и оптоварен и не можам да направам се“, рече Вучиќ за време на гостувањето на ТВ Хепи. Тој додаде дека Србија требаше да се воздржи при гласањето за европската резолуција за Украина, исто како што беше и при гласањето за американската резолуција.

„Што се однесува до американската резолуција, гласавме точно како што треба, се воздржавме. Според мене, требаше да се воздржиме и за европската резолуција. И како што гледате, ова го кажувам во момент кога е сосема јасно дека поради ова ќе изгубам полза или политички поени во ЕУ. Верувам дека Србија требаше да се воздржи“, рече Вучиќ.

Тој тврди дека Србија не треба да се додворува ниту на Русија, ниту на САД.

Инаку, Генералното собрание на ОН усвои резолуција подготвена од Украина и нејзините европски сојузници на третата годишнина од рускиот напад врз Украина. Резолуцијата повикува на праведен и траен мир во Украина, итен прекин на непријателствата, целосно повлекување на Русија и дипломатски напори да се спречи понатамошна ескалација.

За оваа резолуција гласаа 93 земји, 65 беа воздржани, а 18 земји беа против, вклучувајќи ги САД и Русија.