Новоизбраниот американски претседател Доналд Трамп им наложи на своите соработници да договорат телефонски разговор со рускиот претседател Владимир Путин во деновите откако ќе положи заклетва, за да се закаже директна средба во следните месеци со цел да се стави крај на војната во Украина, известува Си-Ен-Ен, повикувајќи се на неименувани извори.

Изворите рекоа дека претставници на тимот за национална безбедност на Трамп почнале да работат на закажување телефонски разговор меѓу Трамп и Путин пред неколку недели.

Телевизиската мрежа наведува дека не е познато дали веќе е одреден датумот за телефонски разговор.

Трамп не разговара директно со Путин речиси три години.

За време на предизборната кампања, Трамп вети дека ќе стави крај на конфликтот во Украина во рок од еден ден по полагањето заклетва.

Тој денеска напладне по локално време официјално ќе ја преземе претседателската функција.

Три израелски жени кои Хамас ги држеше како заложници во Газа се ослободени и вратени вчера во Израел, што го означи првиот чекор во договорот за прекин на огнот меѓу Израел и Хамас. Ослободените жени се дел од групата од 33 заложници планирани да бидат ослободени во текот на првата фаза од договорот.

Нападот на Хамас врз Израел на 7 октомври 2023 година резултираше со киднапирање на вкупно 251 лице. Хамас моментално држи 91 затвореник, иако израелските власти веруваат дека само 60 од нив се уште се живи.

Според соопштението на израелските одбранбени сили (ИДФ), за време на првата фаза од прекинот на огнот, кој е предвиден да трае 42 дена, планот е да се ослободуваат три до четири заложници секоја недела. Вчерашното ослободување на трите жени го означува почетокот на овој процес.

Претставник на Хамас за новинската агенција АФП изјави дека следната размена на заложници и затвореници ќе биде извршена во сабота на 25 јануари. Останатите заложници, според договорот, треба да бидат ослободени во текот на втората фаза од прекинот на огнот.

Новоизбраниот американски претседател Доналд Трамп вчера им рече на илјадниците свои приврзаници во Вашингтон дека ќе воведе строги ограничувања за имиграцијата на неговиот прв ден на функцијата и дека ќе дејствува брзо за да ја реши секоја криза со која се соочуваат САД. „До зајдисонце утре, инвазијата на нашата земја ќе биде запрена“, рече Трамп на митингот „Направете ја Америка повторно голема“ во преполната арена „Капитал Уан“ во Вашингтон, ден пред неговата инаугурација.

President Trump’s Celebratory Victory Rally https://t.co/MCKNpDh8kG

— Donald J. Trump (@realDonaldTrump) January 19, 2025

Трамп го повтори своето предизборно ветување дека ќе започне најголемата депортација во историјата на САД, во која ќе бидат вклучени милиони имигранти.

„Ова е најголемото политичко движење во американската историја, а пред 75 дена ја постигнавме најголемата политичка победа што нашата земја некогаш ја видела. Од утре ќе дејствувам со историска брзина и ќе ја решам секоја криза со која се соочува нашата земја“, рече Трамп.

„Мерките за безбедност на границата што ќе ги обелоденам во моето инаугуративно обраќање ќе бидат најагресивниот, сеопфатен напор за обнова на нашите граници што светот некогаш ги видел“.

Говорот во „Капитал Уан Арена“ беше првото големо појавување на Трамп во Вашингтон по неговиот говор на 6 јануари 2021 година, кој му претходеше на нападот на Капитол од толпа негови поддржувачи. Трамп рече дека ќе помилува многу од повеќе од 1.500 луѓе кои се осудени или обвинети во врска со нападот. Митингот на Трамп, заедно со неговиот инаугуративен говор денес, може да навести што планира да направи за време на неговиот втор мандат во Белата куќа.

Donald Trump says in the coming days he will "make public" remaining records around the assassination of former President John F Kennedy and Dr Martin Luther King Jr and "other topics of great public interest".https://t.co/h5m2BiRJnG

📺 Sky 501 and YouTube pic.twitter.com/oKuJqrWGHB

— Sky News (@SkyNews) January 19, 2025

„Утре, сите во оваа многу голема арена ќе бидат многу задоволни од мојата одлука за заложниците од 6 јануари. Мислам дека ќе бидете многу, многу задоволни“, рече Трамп.

Во последните недели Трамп зборуваше, меѓу другото, за преземање на Гренланд и Панамскиот канал и претворање на Канада во американска држава. Вчера тој рече дека ќе ја укине секоја радикална и глупава извршна наредба на администрацијата на Бајден веднаш по преземањето на функцијата. Тој, наводно, ќе потпише повеќе од 200 извршни наредби и други акти на неговиот прв ден во Белата куќа.

Elon Musk joins Donald Trump on stage at a rally on inauguration eve.

In a short speech, he tells Trump supporters 'we are going to do great things here.'

Musk is the soon-to-be head of the new Department of Government Efficiency.https://t.co/h5m2BiRJnG

📺 Sky 501 pic.twitter.com/Qn4Q12xgUw

— Sky News (@SkyNews) January 19, 2025

На митингот учествуваше Илон Маск, најбогатиот човек во светот, кој потроши 200 милиони долари за да му помогне на Трамп да победи на изборите и ја предводи работната група за намалување на владините трошоци. На овации од толпата, Маск рече: „Со нетрпение очекуваме да направиме многу промени. Оваа победа е само почеток. Она што е важно понатаму е всушност правење значајни промени… и поставување на темелите за Америка да биде силна со векови , засекогаш И да ја направиме Америка повторно голема“.