Црна хроника
Скопјанец лишен од слобода откако со нож повредил случаен минувач и физички нападнал друго лице
Во текот на вчерашниот ден околу 18:00 часот во скопското село Трубарево било пријавено дека Б.А. од село Трубарево заедно со уште едно непознато лице се прекачиле преку метална ограда на приватна фирма, но биле забележани од вработено лице во фирмата по што веднаш побегнале, информираат од полицијата.
Од МВР додаваат дека по ова двете лица биле пресретнати од случаен минувач, а Б.А. со нож замавнал кон минувачот и му нанел телесна повреда во пределот на раката. Инцидентот уште еднаш ескалирал кога по повредата на случајниот минувач, Б.А. бил пресретнат од вработениот, кого физички го нападнал.
Двете повредени лица биле веднаш пренесени во Градската општа болница „Свети Наум Охридски“, а Б.А. бил пронајден и лишен од слобода. Се преземаат мерки за целосно расчистување на настанот, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна 14-годишно девојче од Скопје, случајот го пријавила мајката
Вчера во 20.45 часот во Полициското одделение Шуто Оризари, 44-годишната С.А. од Скопје пријавила дека од семејниот дом се оддалечила нејзината ќерка, 14-годишната С.А. од Скопје, која и претходно се оддалечувала од домот и била враќана.
Се преземаат мерки за пронаоѓање на лицето.
Црна хроника
Исчезна малолетник од Кочани, можно е 16-годишникот да се наоѓа кај пријателка во Берово
Вчера во 13.30 часот во Полициската станица Кочани, 53-годишната В.Т. од Кочани пријавила дека од домот се оддалечил нејзиниот син, 16-годишниот М.Т. од Кочани, извести МВР.
Според пријавеното, можно е малолетникот да се наоѓа кај негова пријателка во Берово. Се преземаат мерки за пронаоѓање на лицето.
Црна хроника
Пожар во куќа во Кичево, нема повредени лица
Денеска во 00.35 часот во Полициската станица Кичево било пријавено дека на улицата „Јордан Пиперката“ во Кичево настанал пожар на затворен балконски простор на вториот кат од куќата сопственост на 69-годишниот Б.П. од Кичево.
Од екипа на Територијалната противпожарна единица Кичево пожарот бил изгаснат, а повредени лица нема, извести МВР.
Извршен бил увид од увидна екипа од ОВР Кичево.