Црна хроника
Скопјанец со „мерцедес“ удрил во полицајка и побегнал

Скопјанец на возраст од 54-години е уапсен вчера откако истиот ден со автомобил „мерцедес“ удрил во полициска службеничка на булеварот Партизнаски одреди.
Како што информираат од МВР, сè почнало кога возачот не застанал на знакот за запирање од полицajката и со „мерцедесот“ удрил во неа.
Потоа, 54-годишникот го напуштил местото, но набргу бил пронајден.
Тој бил приведен во полициска станица и по целосно документирање на случајот, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Прегазено 13-годишно девојче во Скопско, возачот избегал

Тринаесетгодишно девојче вчера било удрено со автомобил во скопско Батинци, а возачот избегал.
Според информациите на МВР, вчера околу 09 часот на сервисна улица која ги поврзува регионален пат Скопје-ХЕЦ Козјак и село Батинци, скопско, патничко возило удрило во малолетничка од село Црн Врв, скопско, по што возачот со возилото го напуштил местото.
Во несреќата со тешки телесни повреди се здобила 13-годишната малолетничка, констатирани во Градската општа болница „Св.Наум Охридски“ Скопје.
Извршен бил увид од увидна екипа на СВР Скопје.
Црна хроника
Планинари од Германија и од Холандија се изгубиле на границата со Косово

Двајца планинари од Германија и Холандија се изгубиле на границата помеѓу Македонија и Косово.
Според информациите на МВР, вчера во 19.31 часот во Секторот за меѓународна полициска соработка, од Интерпол Германија е пријавено дека на граничната линија помеѓу Македонија и Република Косово се изгубиле две лица- државјани на Германија и Холандија, кои планинареле во близина на граничната линија.
Известени се СВР Тетово, Центар за управување со кризи и Регионалниот центар за гранични работи Север.
Се преземаат мерки за пронаоѓање на лицата.
Црна хроника
Малолетник во Скопје објавил фотографии со експлицитна содржина од девојката

Малолетник во Скопје објавил фотографии со експлицитна содржина од неговата девојка откако нејзината мајка и забранила да се гледа со него.
Според информациите на МВР, вчера во СВР Скопје, 42-годишна жена од Скопје пријавила дека нејзината малолетна ќерка добивала закани од малолетник, со кој била во љубовна врска, а откако му кажала дека таа ѝ забранила да се гледа со него, на социјални мрежи објавил нејзини фотографии со експлицитна содржина.
Се преземаат мерки за расчистување на случајот.