Топ
Скопјанка на 69-годишна возраст е жената што загина по удар на автомобил во Чаир

Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР.
Несреќата се случи вчера во 18.40 минути, на булеварот „Христијан Тодоровски Карпош“ во Скопје.
Како што претходно беше објавено, автомобил „сеат алтеа“ со скопски регистарски ознаки, управуван од 19-годишната А.Џ., удрил во жената, која од здобиените повреди починала на местото на настанот, а лекар од Итната медицинска помош констатирал смрт.
Девојката којашто управувала со возилото се здобила со телесни повреди констатирани во Градската општа болница „8 Септември“.
По наредба на јавен обвинител телото на почината било дадено на обдукција.
Извршен е увид од јавен обвинител и увидна екипа од СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Германија забележа дронови на границата со Данска: „Истражуваме можна саботажа“

Министерството за внатрешни работи на северната германска покраина Шлезвиг-Холштајн соопшти дека беспилотни летала биле забележани во текот на ноќта и дека истражуваат можност за шпионажа и саботажа.
Службениците се во состојба на зголемена готовност откако упадите со беспилотни летала во Данска го запреа воздушниот сообраќај во различни делови од земјата неколку пати оваа недела.
🚨Does This Drone Look Familiar? Aalborg Denkmark, Sep 25, 2025
The video was recorded in Denmark, the still images are NJ Drones.
Do we all see whats going on here?#ufotwitter #uapX #denmarkdrones #njdrones
Video Source:https://t.co/bgSILGUcOS pic.twitter.com/KmSoa6xOjK— Skywatch Signal (@UAPWatchers) September 26, 2025
Данска, која граничи со Шлезвиг-Холштајн, им соопшти на сојузниците од НАТО дека „државни актери“ се одговорни за упадите, кои не ги именуваше.
Министерката за внатрешни работи на Шлезвиг-Холштајн, Сабине Суетерлин-Вак, во изјава испратена по е-пошта изјави дека нејзината држава е во близок контакт со федералната влада и германските вооружени сили во врска со инцидентите.
„Секако, ние во Шлезвиг-Холштајн го истражуваме секое сомневање за шпионажа и саботажа во овој случај и остануваме многу внимателни во оваа област“, рече таа.
фото: принтскрин
Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Свет
Трамп: Мислам дека можеби имаме договор за Газа

Американскиот претседател Доналд Трамп им изјави на новинарите во Белата куќа дека верува оти е многу блиску до договор за Газа, непосредно пред да се качи во хеликоптерот „Марин Уан“, објави „Скај њуз“.
„Мислам дека можеби имаме договор за Газа“, рече Трамп, додавајќи: „Многу сме блиску до договор за Газа и изгледа дека имаме договор“, додаде тој.
Тој нагласи дека верува оти договорот ќе обезбеди враќање на заложниците и дека „тоа ќе биде договор што ќе ја заврши војната“. Трамп не даде понатамошни објаснувања за своето тврдење.
Претходно денес, израелскиот премиер Бенјамин Нетанјаху беше првиот говорник на денот на 80-тата сесија на Генералното собрание на Обединетите нации во Њујорк, а неговиот говор беше одржан во атмосфера што ретко се гледа. Штом излезе на говорницата, околу стотина делегати од различни земји станаа и ја напуштија салата во знак на протест против политиката на Израел во Газа.
На самиот почеток, Нетанјаху рече дека Израел „мора да ја заврши работата против Хамас во Газа“. Потоа директно му се обрати на Хамас. „Спуштете го оружјето. Пуштете ги моите луѓе. Ослободете ги заложниците. Сите, сите 48. Ако го направите тоа, ќе преживеете. Ако не, Израел ќе ве гони“, рече тој.
Нетанјаху голем дел од својот говор го посвети на одбрана на воената кампања на Израел и отфрлање на обвинувањата за геноцид. „Обвинението за геноцид е лажно. Се вели дека Израел намерно ги таргетира цивилите. Дами и господа, вистината е спротивна“, рече тој.
фото: принтскрин