Црна хроника
Скопјанка со ножици сакала да го убие поранешниот партнер
Основното јавно обвинителство донесе наредба за спроведување истражна постапка против едно лице за кривично дело убиство од член 123 став 2 точка 2 во врска со член 19 (во обид) од Кривичниот законик.
Осомничената 46-годишна скопјанка, на паркинг на улицата Никола Карев, при вршење семејно насилство, со умисла се обидела да го лиши од живот својот поранешен партнер.
По претходна вербална расправија во казино, додека оштетениот играл на апаратите, осомничената во видно алкохолизирана состојба почнала да крши чаши и да удира по апаратите за играње. Оштетениот и неговиот пријател излегле од казиното, но по нив излегла и осомничената. На паркингот го нападнала оштетениот со метални ножици и со сечилото од ножиците му нанела два убода, и тоа во пределот на градниот кош – срцето и пределот на абдоменот.
Бидејќи постојат околности што укажуваат дека има опасност осомничената да се крие, односно да се даде во бегство, постои основан страв дека ќе ја попречува кривичната постапка со влијание врз оштетениот, сведоците и вештаците, дека би можела го повтори кривичното дело, односно ќе го доврши обиденото кривично дело, надлежниот јавен обвинител до судијата на претходна постапка достави предлог за определување мерка притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Насилство во Карпош: приведени две лица поради тепачка, а се заканувале и со остар предмет
Вчера попладне во скопски Карпош, полицијата ги приведе М.П.(52) и С.О.(43), двајцата од Скопје.
„Тие претходно го нарушиле јавниот ред и мир со физичка пресметка, во која М.П. се заканувал и со остар предмет“, објави МВР во дневниот билтен.
По целосно документирање на случајот ќе следува соодветен поднесок.
Црна хроника
Брат ја нападнал сестра си во Скопје
Шеесет и деветгодишна жена пријавила дека синоќа на подрачјето на Шуто Оризари, по претходна расправија, била физички нападната од нејзиниот брат Ѓ.З.(67) од Скопје, кој употребил и тврд предмет.
По целосно документирање на случајот ќе следува соодветен поднесок, велат од МВР.
Црна хроника
Скопјанец нападнат во кафуле на Бит Пазар, искршен и инвентарот
Синоќа дошло до инцидент во угостителски објект на подрачјето на Бит Пазар.
Според информациите од МВР, 56-годишен скопјанец бил нападнат од две лица – Ј.О. и М.Н., кои потоа заедно со уште две други, пред објектот оштетиле и инвентар.
Се преземаат мерки за расчистување на случајот.