Црна хроника
Со автомобили удрени тројца пешаци за еден ден во Македонија – едниот од возачите побегнал од местото

Тројца пешаци во текот на вчерашниот ден биле прегазени од возила на улиците низ Македонија.
Според информациите од МВР, првиот пешак бил удрен од патничко возило управувано од 20-годишник од Скопје.
Несреќата се случила вчера рано наутро околу чест часот на крстосницата од регионалниот пат Скопје–Велес со локалниот пат Јурумлери–Долно Лисиче.
„Патничко возило „фолксваген пасат“ со скопски регистарски ознаки, управувано од М.К.(20), удрило во пешакот С.А.(55), двајцата од с.Јурумлери, скопско“, објави МВР.
Еден час подоцна, во Пехчево, било пријавено дека на улицата Илинденеска, комбе управувано од 64-годишен маж, удрил во 66-годишен пешак – и двајцата од Пехчево.
Третата несреќа се случила во Струга, а била пријавена околу 9 часот вчера. Од полицијата велат дека на улицата Пабло Неруда во Струга, патничко возило „опел“ со струшки регистарски ознаки, управувано од Е.М.(21) од с.Радолишта, струшко, удрило во пешакот С.Д.(68) од с.Долна Белица, струшко, по што го напуштило местото.
Во сите три случаи пешаците се здобиле со тешки телесни повреди, а извршен бил полциски увид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Веселба со истрели во Житоше: 26-годишник славел пукајќи во воздух

Полицијата ги приведе В.Е.(26) и Б.Е.(57), двајцата од селото Житоше, затоа што на семејна веселба пред куќата каде што живее во с.Житоше, В.Е. во воздух испукал неколку истрели од огнено оружје.
На лице место пронајдени се чаури, а од лицата одземени се гасен пиштол, сопственост на В.Е. и ловна пушка и дозвола за поседување на име на Б.Е..
По документирање на настанот, ќе бидат поднесени соодветни поднесоци.
Црна хроника
Пукал од „бмв“ на семејна веселба – 21-годишен тетовец се пофалил на социјални мрежи, па завршил во полициска станица

Веселбата во тетовското село Желино завршила со полициска интервенција откако млад маж решил да прослави на опасен начин. Според информациите од МВР, 21-годишниот С.Ш. од Голема Речица бил уапсен откако пукал со огнено оружје од своето патничко возило „БМВ“ со тетовски регистерски таблички – и целиот настан го објавил на социјална мрежа.
Инцидентот се случил вчера околу 10 часот наутро, додека осомничениот одел на семејна веселба во селото Желино. Само неколку часа подоцна, околу 00:50 часот, полициските службеници од СВР Тетово го лишиле од слобода.
При претрес кај него бил пронајден и одземен пиштол марка „Зораки“, со една празна рамка и кутија со 21 куршум, за кои не поседувал дозвола.
С.Ш. е задржан во полициска станица, а по целосно документирање на случајот против него ќе биде поднесен соодветен поднесок.
Сличен настан е забележан вчера и во селото Житоше. Полицијата ги приведе В.Е.(26) и Б.Е.(57) затоа што на семејна веселба пред куќата каде што живее В.Е. во воздух испукал неколку истрели од огнено оружје. Веселба со истрели во Житоше: 26-годишник славел пукајќи во воздух
Црна хроника
Насилство во Аеродром: Партнер на вработена го нападнал нејзиниот колега во спортска обложувалница, заврши со оштетено возило и повреди

Вчера во Скопје бил пријавен физички напад кој се случил на подрачјето на општина Аеродром. Според информациите од МВР, 42-годишниот Ј.Ц. од Скопје пријавил дека околу 15:45 часот, по вербална расправија со негова колешка во спортска обложувалница, бил нападнат откако излегол од објектот.
Нападот го извршиле две лица – М.Ж. и М.В., кој воедно бил партнер на колешката. Едниот од напаѓачите, според пријавата, употребил и тврд предмет, при што му нанел повреди и му го оштетил возилото.
Од Министерството за внатрешни работи информираат дека се преземаат мерки за целосно расчистување на случајот