Црна хроника
Со нож го нападнал и му украл пари и телефон

Еден маж од село Добридол бил нападнат од Тетовец со нож, во неговиот автомобил, кој му го зел и телефонот и парите.
Во понеделникот 20 минути по полноќ, во село Боговиње, тетовско, А.Н. извршил разбојничка кражба над М.И.(33) од село Добридол, гостиварско. М.И. со сопствениот автомобил бил паркиран во близина на амбулантата и во еден момент до него се паркирал автомобил „БМВ“ со тетовски регистарски ознаки.
Од возилото излегло непознато лице, кое се претставило како А.Н., и го прашал кого чека тука, по што му наредил да влезе во неговиот автомобил. Откако двајцата влегле во „БМВ-то“, А.Н. насилно му одзел мобилен телефон и 800 денари. После тоа го стартувал возилото, застанал на друга локација и со нож му нанел повреди на М.Н. во пределот на челото и раката. М.Н. успеал да излезе од возилото и да побегне.
Тој бил пренесен во Клинички центар Тетово каде му се констатирани телесни повреди и бил пуштен на домашно лекување. Увид на местото на настанот извршила увидна екипа од СВР Тетово. Се преземаат мерки за пронаоѓање на сторителот и за целосно расчистување на настанот. /крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Планинари од Белгија спасени од полициски тим: биле нападнати од овчарски кучиња, па бегајќи од нив се качиле на столб за мобилна телефонија

Вчера во 19:13 часот во ОВР Дебар е примен повик за помош од страна на белгиски државјани кои планинареле во планинскиот појас над Дебар, но биле нападнати од кучиња.
Констатирано е дека тие се наоѓаат во близина на селото Новак, општина Центар Жупа, по што полициски тим со теренско возило веднаш се упатил кон селото, каде заедно со ловочуварот од селото Новак ги пронашле тројцата планинари, белгиските државјани Л.М.(42), М.Л.К.(62) и Ј.Ј.(41), кои бие безбедно пренесени до нивното моторно возило.
Тие појасниле дека откако поставиле камп шатор, биле нападнати од овчарски кучиња, а бегајќи се качиле на столб за мобилна телефонија. Лицата биле во добра здравствена состојба, без повреди.
фото: принтскрин
Топ
Скопјанец ја турнал мајка си, ја давел, па кршел саксии по дворот, Обвинителството бара притвор

Скопското Обвинителство поведе постапка против 40-годишен маж од Скопје, осомничен дека извршил телесна повреда врз својата мајка, во инцидент што се случил на 21 септември во семејниот двор на улицата „Славејко Арсов“.
Според истрагата, осомничениот на висок тон барал пари од своите родители. Неговиот татко, вознемирен, го напуштил дворот, но синот продолжил да ѝ се обраќа на мајка си со навреди и грубости, по што и физички ја нападнал – се обидел да ѝ го земе телефонот, ја турнал на земја и почнал да ја дави за вратот.
Исплашена за својот живот, жената успеала да се тргне на страна, додека синот продолжил да уништува предмети и саксии низ дворот. Таа задобила телесни повреди, а Обвинителството побара притвор, поради ризик од бегство и загрозување на жртвата, со која и понатаму живее во иста заедница.
Црна хроника
Кривична пријава против директор на ЈП за стопанисување со државни шуми „Национални шуми“

Полицијата во Дебар поднесе кривична пријава против Л.Р.(61) од Дебар, поради постоење основи на сомнение за сторено кривично дело „злоупотреба на службена положба и овластување“.
Според информациите на МВР, тој, во текот на 2024 година, во својство на директор на Јавно претпријатие за стопанисување со државни шуми „Национални шуми“, ПО Скопје, подружница „Стогово“- Дебар, објавил јавен повик за склучување на договор за закуп на плац за складирање на огревни дрва во Дебар, по што, со злоупотреба на службената положба и овластување, подметнал фиктивна понуда за плац, наводно навремено поднесена и со пропуштање на должен надзор и увид дали парцелата ги исполнува минималните услови наведени во јавниот повик, спротивно на предвидените услови, склучил договор за подзакуп и закуп на недвижен имот градежно неизградено земјиште во Дебар.
Со тоа, пријавениот на јавното претпријатие му нанел штета од 615.495 денари.