Црна хроника
Сузбиена организирана криминална група, која шверцувала хероин во Хрватска
Денеска (29.9.2022), полициски службеници од Одделот за криминалистичка полиција – Сектор за недозволена трговија со дрога, оружје и опасни материи, Специјалната антитерористичка единица „Тигар“, Одделот за сузбивање организиран и сериозен криминал, како и СВР Тетово – ОВР Гостивар и СВР Куманово, во раните утрински часови спроведоа координирана акција по насоки на јавен обвинител од Основното јавно обвинителство за гонење организиран криминал и корупција на четири локации на подрачјето на Тетово, Гостивар и Куманово, при што лишени се од слобода три лица.
Имено, оваа акција беше реализирана по повеќемесечна паралелна криминалистичка истрага на припадниците на Одделот за криминалистичка полиција со полициските службеници од хрватската полиција – Оддел за борба против криминалитет – дрога од полициската управа во Истра и Националниот уред за сузбивање корупција и организиран криминалитет на Р. Хрватска.
Истрагата беше во координација и соработка на Основното јавно обвинителство за гонење организиран криминал и корупција и хрватскиот Уред за сузбивање корупција и организиран криминалитет (УСКОК) – Ријека, а со логистичка поддршка на Канцеларијата на ГИЗ, за меѓународно злосторничко здружение составено од наши и хрватски државјани што шверцувале хероин, при што секој припадник имал посебна улога во набавка, продажба, чување, транспортирање и посредување во купопродажби на хероин на подрачјето на Истра, Далмација и Загреб и на тој начин на подрачјето на Хрватска извршиле продажба на 4,2 кг хероин, при што биле лишени од слобода повеќе лица.
На 23.9.2022, во заедничка акција на хрватската и македонската полиција, во која учествуваа и јавни обвинители од ОЈО за ГОКК и полициски припадници од Одделот за криминалистичка полиција – Сектор за недозволена трговија со дрога, оружје и опасни материи на подрачјето на Хрватска, беа запленети 3,9 кг хероин при претрес на дом во Загреб и беа лишени од слобода пет лица, и тоа еден македонски државјанин Б. Џ. (43) с. Синичане, Тетовско, и четворица хрватски државјани на возраст од 42, 47, 49 и 66 години.
Групата неовластено пуштала во промет хероин на илегалниот пазар за дрога во областа на Далмација од септември минатата година, а дрогата преку разни канали била пренесувана од нашата држава до територијата на Република Хрватска.
Во денешната акција, по претходно добиена наредба за претрес од судија на претходна постапка од Основниот кривичен суд Скопје, извршен е претрес во домот на Б. Џ. од Синичане, кој е веќе уапсен на територијата на Хрватска, при што биле пронајдени предмети поврзани со кривичното дело.
При претрес кај А. М. (50) од с. Опае, Кумановско, пронајдени се еден пиштол, 50 куршуми, поголема количина кокаин, пакувања со марихуана, електронски уред за мешање дрога, парични средства во денари и евра, повеќе потврди за извршени финансиски трансакции и други предмети поврзани со кривичното дело.
При претрес кај С. И. (74) од Гостивар пронајден е еден пиштол ТТ во калибар 7,62 мм со 168 куршуми во калибар 7,62 мм и други предмети поврзани со кривичното дело. При претрес кај Е. Н. (63) од с. Синичане пронајдена е документација за извршени финансиски трансакции и други предмети поврзани со кривичното дело.
Како што соопшти портпаролот на МВР, Сузана Прањиќ-Талевска, трите лица се лишени од слобода, а од страна на МВР ќе биде поднесена кривична пријава до Основното јавно обвинителство за гонење организиран криминал и корупција поради постоење сомнение дека сториле кривично дело неовластено производство и пуштање во промет наркотични дроги, психотропни супстанции и прекурсори предвидено и казниво по чл. 215 ст. 3 и кривично дело злосторничко здружување по чл. 394 од Кривичниот законик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
МВР со опомена до 150 граѓани кои зборувале на телефон додека минувале на пешачки
Во периодот од 26.09.2025 до 07.11.годинава полициските службеници од СВР Скопје издале вкупно 150 опомени за граѓаните. Согласно проценките, динамиката и степенот на информираност и запознавање на граѓаните за измените во законската регулатива, во наредниот период се очекува отпочнување со изрекување на соодветни санкции, по целосното информирање на граѓаните за новите законски одредби.
Новите измени во Законот за безбедност во сообраќајот – пешачењето со телефон во рака или преминувањето пешачки со тротинет е прекршок кој се плаќа. Ако преминувате пешачки со мобилен телефон на уво или во рака – казната е 40 евра.
Ако возите тротинет, мотор или трактор со користење електронски уред – казната е 50 евра.
Црна хроника
Пожар зафати товарно возило во двор на фирма во Крушопек
Во првите часови по полноќ, на 8 ноември, во СВР Скопје било пријавено дека во двор на фирма во селото Крушопек избувнал пожар во товарно возило ман со скопски регистарски таблички, сопственост на фирмата.
Пожарот бил навреме изгаснат од екипи на Бригадата за противпожарна заштита. Нема повредени лица, а увид на местото на настанот ќе биде извршен во текот на денешниот ден.
Црна хроника
Жена падна во автобус и тешко се повреди
Педесет и седумгодишна скопјанка се здобила со тешки телесни повреди откако вчера паднала во автобус кој сообраќал по булеварот Кузман Јосифовски Питу во Скопје. Според пријавеното во СВР Скопје, жената била патник во автобус управуван од 59-годишен возач од Волково.
По падот, таа била пренесена во Градската општа болница Св. Наум Охридски, каде што и биле констатирани тешките повреди. На местото на настанот извршен е увид од увидна екипа на СВР Скопје.

