Црна хроника
Татко и син од Гостивар обвинети дека претепале човек поради расправија за паркинг-место
Гостиварското Основно јавно обвинителство поднесе обвинение против 34-годишен гостиварец и неговиот 64-годишен татко, кои се товарат за кривично дело насилство.
Како што се наведува во соопштението, грубото насилство го извршиле на 1 октомври минатата година кога повредиле едно лице и во јавноста предизвикале чувство на несигурност, загрозување и страв.
„Оштетениот на критичниот ден пристигнал со автомобил пред сопствената куќа и сакал да се паркира, но паркинг-местото било зафатено. Тој почнал да свири за да се тргне паркираното возило, но во тој момент излегол првиот обвинет и почнал вербална расправија на висок тон. Веднаш потоа обвинетиот физички го нападнал оштетениот удирајќи го во пределот на главата и лицето. Пристигнал и вториот обвинет и го фатил оштетениот за двете раце по што првиот обвинет продолжил да го удира“, објаснуваат од Обвинителството.
Оштетениот oд ударите добил нагмечување на главата и на левата рака, како и крвни подливи на лицето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ученик од основно училиште во Скопје бил полово вознемируван од негов соученик
Триесет и шестгодишна жена скопјанка пријавила дека на 17 септември во основно училиште на подрачјето на Карпош во Скопје, нејзиниот малолетен син бил полово вознемируван од негов соученик.
Се работи на расчистување на случајот.
Црна хроника
Сопственик на локал во Гостивар нападнал вработена
Полицијата поднесе кривична пријава против С.А.(55) од Гостивар поради насилство.
„На 04.08.2024 во уостителски објект во Гостивар, пријавениот, сопственик на објектот, по претходно недоразбирање, физички ја нападнал вработената М.А..“, објави МВР во дневниот билтен.
Црна хроника
Скопјанка пријавила манијак кој се соблекувал пред малолетници
Триесет и деветгодишна жена од Скопје пријавила дека на 18 септември околу 13.00 часот на подрачјето на Центар во Скопје, едно лице се соблекувало пред повеќе малолетници.
Се преземаат мерки за расчистување на случајот, објави МВР во дневниот билтен.