Црна хроника
Татко и син тепале сограѓанин со метални палки

Во средата утрото татко и син пресретнале еден тетовец и го тепале со метални прачки, а му се заканувале и со одземање живот нему и на неговото семејство.
Имено, во 12.30 часот во ПС Тетово, Љ.А. (52) од Мала Речица, тетовско, пријавил дека истиот ден околу 9.30 часот во Тетово на ул.„Илинденска“, С.С. (52) и неговиот син С.Х. (23), двајцата од Мала Речица, физички го нападнале.
Напаѓачите го удирале со тупаници во пределот на главата и телото, а во еден момент С.С. со метална шипка го удрил во пределот на левата страна од лицето нанесувајќи му видлива повреда.
Истите му упатиле и закани по живот на него и неговото семејство, по што побегнале од местото.
Причина за настанот, по кажување на Љ.А., е тоа што С.С. и С.Х. во изминатиот период без никаков основ му барале парични средства, а тој не им дал, по што пред околу два месеци физички го нападнале. Овој случај Љ.А. го пријавил во полиција.
Увид на местото на настанот извршила екипа од СВР Тетово. Се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Судир меѓу три возила во Тетово: едно лице со тешки повреди пренесено во болница

Вчера во 14:20 часот во СВР Тетово е пријавено дека на булеварот „Благоја Тоска“ во Тетово се случила сообраќајна несреќа помеѓу патничко возило „голф“ со тетовски регистарски ознаки, управувано од Р.И.(53) од Тетово, патничко возило „опел астра“ со тетовски регистарски ознаки, управувано од А.Б.(46) од Тетово и патничко возило „бмв“ со тетовски регистарски ознаки, управувано од Ј.А.(36) од с.Непроштено, општина Теарце.
Во несреќата со тешки телесни повреди се здобил возачот А.Б., констатирани во Клиничката болница Тетово. Извршен е увид од увидна екипа од СВР Тетово.
Топ
Жени се истепаа во автобус на ЈСП, во друг инцидент, скопјанец нападнат од четири лица

Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен јавниот ред и мир со физичка пресметка помеѓу 46-годишната К.Т. од Куманово и 47-годишната Б.С. од Скопје.
По целосно документирање на случајот ќе следува соодветен поднесок.
Исто така, вчера во 16:30 часот во СВР Скопје, А.Г.(41) од Скопје пријави дека околу 13:30 часот во автобус на ЈСП на подрачјето на Бит Пазар, бил физички нападнат од четири лица. Се преземаат мерки за расчистување на случајот.
Црна хроника
Изгоре „пежо“ во Гази Баба, нема повредени

Вчера во 16:00 часот во СВР Скопје е пријавено дека околу 13:30 часот на подрачјето на Гази Баба во Скопје настанал пожар на патничко возило „пежо“, сопственост на 37-годишниот К.М. од село Бучинци, скопско.
Пожарот е изгаснат од сопственикот, а повредени лица нема. Извршен е увид.