Црна хроника
Тетовец бегајќи со автомобил со наркотици оштетил полициски возила и наплатна рампа

Триесет и тригодишен тетовец од Пирок бил уапсен од полицијата во тетовско Сиричино во вечерните часови на 2 април.
Како што информираат од МВР, на апсењето му претходела тензична бркотница, бидејќи 33-годишникот кој управувал „фолксфаген пасат“ со германска регистарација, одбил да застане на даден знак од полициски службеници во гостиварска Топлица и Врапчиште.
Додека бегал од полицијата, во еден момент, враќајќи се наназад со возилото, тетовецот удрил во полициски службеник.
Потоа продолжил по автопатот Гостивар-Тетово каде со автомобилот оштетил наплатната рампа и се упатил кон тетовско Желино и по локалниот пат за Сиричино, а попатно удрил и оштетил и две полициски возила.
Во знак на предупредување да застане, полиција испукала и неколку предупредувачки истрели.
Подоцна, во автомобилот со кој престапникот бегал биле пронајдени остатоци од бела прашеста материја.
Тетовецот со иницијали М.А. е задржан во полициската станица во овој град.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Судир меѓу три возила во Тетово: едно лице со тешки повреди пренесено во болница

Вчера во 14:20 часот во СВР Тетово е пријавено дека на булеварот „Благоја Тоска“ во Тетово се случила сообраќајна несреќа помеѓу патничко возило „голф“ со тетовски регистарски ознаки, управувано од Р.И.(53) од Тетово, патничко возило „опел астра“ со тетовски регистарски ознаки, управувано од А.Б.(46) од Тетово и патничко возило „бмв“ со тетовски регистарски ознаки, управувано од Ј.А.(36) од с.Непроштено, општина Теарце.
Во несреќата со тешки телесни повреди се здобил возачот А.Б., констатирани во Клиничката болница Тетово. Извршен е увид од увидна екипа од СВР Тетово.
Топ
Жени се истепаа во автобус на ЈСП, во друг инцидент, скопјанец нападнат од четири лица

Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен јавниот ред и мир со физичка пресметка помеѓу 46-годишната К.Т. од Куманово и 47-годишната Б.С. од Скопје.
По целосно документирање на случајот ќе следува соодветен поднесок.
Исто така, вчера во 16:30 часот во СВР Скопје, А.Г.(41) од Скопје пријави дека околу 13:30 часот во автобус на ЈСП на подрачјето на Бит Пазар, бил физички нападнат од четири лица. Се преземаат мерки за расчистување на случајот.
Црна хроника
Изгоре „пежо“ во Гази Баба, нема повредени

Вчера во 16:00 часот во СВР Скопје е пријавено дека околу 13:30 часот на подрачјето на Гази Баба во Скопје настанал пожар на патничко возило „пежо“, сопственост на 37-годишниот К.М. од село Бучинци, скопско.
Пожарот е изгаснат од сопственикот, а повредени лица нема. Извршен е увид.