Црна хроника
Тетовец бесправно си изградил две викендички на државно земјиште на Попова Шапка

51-годишен тетовец заработил кривична пријава и се сомничи за узурпација на недвижности и бесправно градење кога на ваков начин изградил две викедички на државно земјиште на Попова Шапка, соопшти полицијата.
СВР Тетово поднело кривична пријава против лицето И. З. (51) од Тетово поради постоење основи на сомнение за сторено кривично дело узурпација на недвижности и бесправно градење.
На 18.5.2021 полициски службеници од Полициското одделение Попова Шапка, постапувајќи по претходна пријава, во викенд-населбата на Попова Шапка констатирале дека пријавениот, во својство на инвеститор, во текот на 2020, на катастарска парцела на земјиште сопственост на Република Северна Македонија, без да поседува соодветна дозвола, изградил две викенд-куќи, со што узурпирал државно земјиште со површина од 243 м2, појаснија надлежните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На наплатна рампа Сопот во автомобил е најдена дрога

Од страна на полициски службеници од БЈБ при МВР денеска на наплатна рампа Сопот, велешко, при преглед на патничко возило „поло“ со гевгелиски регистарски ознаки, управувано од В.А. од Гевгелија и сопатник М.Ж. од Хрватска, биле пронајдени две торби во кои имало вкупно 40 пакувања со растителна материја.
Како што соопшти МВР, известен е јавен обвинител од ОЈО Велес и по целосно документирање на случајот ќе биде поднесена кривична пријава по член 215 од КЗ.
Топ
Полицаец пријавил дека му го украле службениот пиштол со рамка и 13 куршуми

Вчера во осум часот во ОВР – Крушево, М.Х., на возраст од 38 години од овој град, вработен како полициски службеник во ОВР – Крушево, пријавил дека во временскиот период од 31.10.2024 до 01.03.2025 од страна на непознат сторител од металниот шкаф, што пријавителот го користел за сместување на опремата и службеното оружје, во просториите на ОВР – Крушево, му бил одземен службениот пиштол со рамка каде имало 13 куршуми.
Се преземаат мерки за расчистување на настанот.
Црна хроника
Се тепале поради должничко-доверителски односи

Синоќа во 23:30 часот во СВР – Скопје, И.Н., на возраст од 32 години од село Крушопек, скопско, пријавил дека околу 19 часот на подрачјето на Карпош, додека управувал такси возило, поради претходно нерасчистени должничко-доверителски односи, патот му бил попречен од друго возило и бил физички нападнат од Ф.Н. и уште едно лице.
Се преземаат мерки за расчистување на случајот.