Црна хроника
Тешка сообраќајка во Скопје: шест лица однесени во болница
Синоќа на крстосницата од бул.„Св.Климент Охридски“, ул.„Димитрие Чуповски“ и бул.„Митрополит Теодосиј Гологанов“ се случила сообраќајна несреќа помеѓу патничко возило „мерцедес ц200“ со кумановски регистарски ознаки, управувано од К.А.(52) од с.Никуштак, кумановско и патничко возило „мерцедес“ управувано од Г.П.(47) од Скопје.
Во несреќата со тешки телесни повреди се здобил сопатник од возилото со кумановски регистарски ознаки, Џ.А.(52) од с.Никуштак, а со телесни повреди се здобиле двајцата возачи и уште тројца сопатници, исто така, од возилото со кумановски регистарски ознаки, констатирани во Градската општа болница „Св.Наум Охридски“ и во приватна медицинска установа. Извршен бил увид од увидна екипа од СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични против пет малолетници од Скопје за „разбојништво во обид“
СВР Скопје поднесе кривична пријава против пет малолетници од Скопје, поради постоење основи на сомнение за сторено кривично дело „разбојништво во обид“, извести МВР.
„На 28.02.2024 во Градскиот парк во Скопје, пријавените му побарале пари на Ф.П.А. и се обиделе насилно да му го одземат паричникот“, соопшти МВР.
Црна хроника
Шест работници од Непал избегале од местото каде што престојувале, случајот го пријавила скопјанка
Вчера во 10.30 часот во Полициската станица Карпош, 36-годишната В.Д. од Скопје пријавила дека шест лица-работници на возраст од 24 до 27-годишна возраст од Непал, кои работеле во приватна фирма, се оддалечиле од местото каде што престојувале, извести МВР.
Се преземаат мерки за пронаоѓање на лицата.
Црна хроника
Кривична против 44-годишник од Требош, го истепал и повредил својот татко
СВР Тетово поднесе кривична пријава против 44-годишниот Р.А. од село Требош, поради постоење основи на сомнение за сторено кривично дело „телесна повреда“ во врска со семејно насилство, извести МВР.
„На 07.04.2024 во близина на семејниот дом во с.Требош, пријавениот без повод и причина, физички го нападнал неговиот татко, нанесувајќи му повреди“, соопшти МВР.