Црна хроника
Тешка сообраќајна незгода на автопатот Гоце Делчев, повредени неколку лица

Вчеравечер, во 19.40 часот, во СВР Скопје било пријавено дека на автопатот Гоце Делчев, Свети Николе – Скопје, во близина на селото Коњари, се случила сообраќајна несреќа помеѓу патничко моторно возило „фолксваген голф“, со скопски регистарски ознаки, управувано од 21-годишниот Б. С. од село Танушевци, општина Чучер Сандево, и патничко моторно возило „пежо“, со скопски регистарски ознаки, управувано од 61-годишниот Б. Д. од Скопје, извести МВР.
Во несреќата тешки телесни повреди добила сопатничка од возилото „пежо“, Б. Д. (57) од Скопје, а телесни повреди добиле уште една сопатничка од истото возило, Б. С. (58) од Скопје, возачот Б. С. и неговата сопатничка М. Б. (23) од с. Танушевци, констатирани во комплексот клиники „Мајка Тереза“ и во Градската општа болница „Св. Наум Охридски“, велат од МВР.
Извршен бил увид од екипа на СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанка нападнала две лица по сообраќајно недоразбирање во Карпош

На подрачјето на Карпош, вчера по претходно недоразбирање во сообраќајот, бил нарушен јавниот ред и мир.
Како што објави МВР во дневниот полициски билтен, полициски службеници излегле на лице место, при што било констатирано дека Е.Ѓ.(29) агресивно се однесувала, удирајќи по патничко возило „мерцедес“ со битолски регистарски ознаки управувано од Ј.Б.(39) и сопатникот Е.Ѓ. (29) сите од Скопје, при што физички ги нападнала.
По целосно документирање на случајот ќе следува соодветна пријава.
Топ
MВР со детали за превртениот автомобил кај Волково – возачот е 25-годишен, меѓу тешко повредените и дете

Три лица се тешко повредени, а едно полесно во сообраќајката што се случи вчера на автопатот Скопје-Тетово, во близина на клучката кај Волково.
Според деталите од МВР, автомобилот е од марката „бмв“ со скопски регистарски ознаки управуван од Х.И.(25). Тој излетал од коловозот и се превртел.
Покрај возачот, тешко повреден е и неговиот сопатник Б.Б., но и уште еден малолетен сопатник кои биле пренесени на Комплексот клиники.
Со телесни повреди се здобил сопатникот А.И.(56).
Извршен бил увид.
Црна хроника
Автомобил удри во велосипедист од Прилеп

Автомобил удри во велосипедист на улицата Андон Слабејко во Прилеп, пришто велосипедистот се здоби со тешки повреди.
Несреќата се случи вчера на пладне.
„Автомобил „опел“ со прилепски регистарски ознаки управуван од О.Ѓ.(75) удрил во велосипед управуван од М.Т.(50), инаку двајцата од Прилеп. Во несреќата велосипедистот се здобил со тешки телесни повреди констатирани во Градската болница Прилеп“, соопшти МВР.
Извршен бил увид.