Црна хроника
Три лица уапсени во Неготинско: краделе огревно дрво
![](https://makfax.com.mk/wp-content/uploads/2018/07/drva-za-ogrev.jpg)
Вчера, во 17.30 часот, на местото наречено Бела Вода, атар на с. Калањево, Неготинско, полициски службеници од Полициската станица Неготино ги лишиле од слобода Х. Ч. (27) од Неготино, С. С. (68) и А. А. (56) од с. Тимјаник, Неготинско, поради постоење основи за сомнение за сторено кривично дело кражба по член 235 став 3 од Кривичниот законик.
При преглед на теренот, во дворно место од викенд-куќа на Х. Ч. биле пронајдени речиси 12 кубни метри огревно дрво, без документација, пила и други предмети поврзани со делото.
Во близина исто така биле пронајдени и две тракторски приколки натоварени со речиси 10 кубни метри огревно дрво, сопственост на С. С. и А. А., и дополнително околу шест кубни метри дрво во близина на приколките, сите без документација.
За настанот била известена шумската полиција, а дрвата, приколките и другите предмети биле одземени за понатамошна постапка.
Лицата биле приведени во полициска станица и по целосно документирање на случајот, против нив ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Претрес во тетовско, пронајдена дрога, приведен дилер
![](https://makfax.com.mk/wp-content/uploads/2021/06/kokain.jpeg)
Денеска полициски службеници од СВР Тетово го лишиле од слобода Х.Х.(33) од тетовски Порој.
Имено, во периодот од 07.30 до 08.30 часот, по претходно добиена судска наредба, бил извршен претрес во дом и помошни простории на Х.Х., при што биле пронајдени и одземени кокаин, марихуана и хашиш.
Х.Х. е приведен и задржан во полициска станица и против него ќе следува соодветен поднесок, соопшти полицијата.
Црна хроника
Казни за 146 возачи во Скопје
![](https://makfax.com.mk/wp-content/uploads/2023/08/policija-soo-1.jpg)
Секторот за внатрешни работи Скопје во текот на вчерашниот ден (02.07.2024) продолжи со контролите во областа на сообраќајот.
На територија на град Скопје изречени се вкупно 146 мерки, меѓу кои за возење без возачка дозвола 15 санкции, три мерки за користење на мобилен телефон при управување, четири мерки за некористење на сигурносен појас, три санкции за минување на затворен сигнал – црвено светло.
Изречени се 43 санкции за прекршоци што ги чинат возачи на мотоцикли, пет мерки за нерегистрирани возила.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Повредени полицајци: со возило на МВР се судриле со друго возило
![](https://makfax.com.mk/wp-content/uploads/2022/11/policija8_1-199796.jpg)
Вчера во 17.30 часот во СВР Скопје било пријавено дека на автопатот Скопје- Куманово, во близина на клучката „Илинден“ се случила сообраќајна несреќа помеѓу патничко возило „фолксваген поло“ со словенечки национални ознаки, управувано од С.Ш.(78) од Куманово и патничко возило „шкода јети“, сопственост на МВР.
Во несреќата со телесни повреди се здобиле двајца полициски службеници, констатирани во Градска општа болница „Св.Наум Охридски“.
Извршен бил увид од увидна екипа од СВР Скопје.