Црна хроника
Три тепачки во Скопје: првата во здравствена установа, друга во училиште меѓу ученици
Три тепачки имало во текот на вчерашниот ден. Една од нив се случила во здравствена установа, а друга во средно училиште.
„Вчера во 14.00 часот во СВР Скопје било пријавено дека во здравствена установа на подрачјето на Ѓорче Петров, по претходна вербална расправија, бил нарушен јавниот ред и мир со физичка пресметка помеѓу А.А.(46) и С.Д.(23), двете од Скопје. Истиот ден, во 18.10 часот во СВР Скопје било пријавено дека во с.Студеничани, скопско, поради претходно меѓусебно нетрпение, бил нарушен јавниот ред и мир со физичка пресметка помеѓу С.С.(38) и Ф.И.(47), двајцата од истото село. Полицијата во 16.00 часот во СВР Скопје било пријавено дека во училница во средно училиште на подрачје на Гази Баба бил нарушен јавниот ред и мир со физичка пресметка помеѓу двајца малолетни ученици од Скопје“, велат од МВР.
Се преземаат мерки за расчистување на случаите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за пукањето во Чаир: Излегол од возило и со пиштол пукал во 19-годишник кој одел пеш по улица
По вчерашното пукање во скопски Чаир, Министерството за внатрешни работи излезе со официјални детали за настанот. Од полицијата велат дека повредено е 19-годишно момче од Скопје кое по пукањето било пренесено во болница.
„Вчера околу 20.20 часот во СВР Скопје е пријавено дека на ул. „Цветан Димов“ во Скопје имало повредено лице од огнено оружје, кое било пренесено во ГОБ „Св.Наум Охридски“ во Скопје за укажување помош. Утврдено е дека повреденото лице е А.Б. (19) од Скопје, кој во службен разговор со полициските службеници појаснил дека додека се движел пеш по ул. „Цветан Димов“, од возило излегол Б.Б. и пукал кон него со пиштол неколку пати“, велат од МВР.
Од полицијата додаваат дека се преземаат мерки за целосно расчистување на случајот.
Црна хроника
Се судрија „шкода“ и „мерцедес“ во Куманово, тројца завршија во болница
Во СВР Куманово вчера било пријавено дека на ул.„Братство и единство“ во Куманово, се случила сообраќајна несреќа помеѓу „шкода“ со кумановски регистарски ознаки, управувано од М.Д.(62) и „мерцедес“ со кумановски регистарски ознаки, управувано од С.Р.(60), двајцата од Куманово.
Во несреќата со тешки телесни повреди се здобил М.Д. а со телесни повреди се здобил С.Р. и неговиот сопатник И.Ѓ.(44) од Куманово, констатирани во Општата болница во Куманово.
Извршен бил увид од увидна екипа на СВР Куманово.
Црна хроника
69-годишен пешак е тешко повреден, го удрил возач со комбе
Вчера во 13.15 часот во СВР Велес, било пријавено дека на ул. „Алексо Демниевски Бауман“ во Велес, товарно возило „мерцедес“ со велешки регистарски ознаки управувано од А.А. (40) удрило во пешакот Р.Л.(69) и двајцата од Велес.
Во несреќата со тешки телесни повреди се здобила Р.Л. констатирани во Општата болница во Велес.
Извршен бил увид од увидна екипа на СВР Велес.