Контакт

Топ

Тројца возрасни и едно дете осомничени за пукањето и убиството во Тетово

Објавено пред

Тројца возрасни и едно дете се осомничени за пукањето во Тетово што се случи во неделата, а во кое беше убиено едно лице.

dobivaj vesti na viber

На 10 август, на улицата „Благоја Тоска“ во Тетово, првиот осомничен и детето, родено во 2010 година, со умисла, како соизвршители и со употреба на огнено оружје – автоматски пушки кои на граѓаните им се забранети, лишиле од живот едно лице, а го довеле во опасност и животот и телото на други лица, вклучувајќи и еден од останатите осомничени.

Со автоматските пушки тие испукале повеќе куршуми кон онавтомобил „голф“ со кои го погодиле сега покојниот, кој бил на возачкото седиште. Два проектили завршиле во градниот кош на совозачот кој здобил со тешки телесни повреди опасни по животот.

Еден проектил завршил во десната натколеница на дете родено 2012 година кое се затекнало во непосредна близина, по што осомничениот заедно со детето избегале.

Иако бил ранет од престрелката, вториот осомничен и уште едно лице извадиле огнено оружје – пиштоли и почнале истовремено да пукаат кон возилото кое се оддалечувало и притоа погодиле друго лице кое се здобило со тешки телесни повреди во торакалниот дел, а куршуми завршиле и во возило на жена чија сигурност, исто така, била загрозена.

За сите осомничени, вклучувајќи го и детето во судир со законот, е одреден притвор.

Македонија

Од ноќеска на полноќ поскапува дизелот

Објавено пред

Од

Од полноќ, горивата добиваат нови цени, одлучи Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).

dobivaj vesti na viber

Од 23.9.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 75,50 (денари/литар)

Моторен бензин ЕУРОСУПЕР БС – 98 77,50 (денари/литар)

Дизел гориво ЕУРОДИЗЕЛ БС (Д-Е V) 69,50 (денари/литар)

Масло за горење Екстра лесно 1 (ЕЛ-1) 69,00 (денари/литар)

Мазут М-1 НС 36,947 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1) не се менуваат.

Малопродажната цена на ЕУРОДИЗЕЛ (Д-Е V) се зголемува за 0,50 ден/лит.

Малопродажната цена на Мазутот М-1 НС се зголемува за 0,207 ден/кг и сега ќе изнесува 36,947 ден/кг.

Прикажи повеќе...

Свет

Путин: Русија е подготвена воено да возврати на Западот

Објавено пред

Од

Рускиот претседател, Владимир Путин, изјави дека Русија е подготвена да одговори на сите закани, додавајќи дека Москва сè уште поддржува дипломатски пат за смирување на тензиите и покрај деструктивните политики на Западот.

dobivaj vesti na viber

Зборувајќи пред денешниот состанок на Советот за безбедност, Путин предупреди на „екстремната опасност од понатамошно влошување“ на геополитичката ситуација, особено во контекст на војната во Украина.

Тој додаде дека Русија понудила „конкретни идеи“ за промена на таа насока, но дека „овие апели и иницијативи не добиле јасен одговор“, објавува Russia Today.

„Не треба да има сомнеж за ова: Русија е способна да одговори на сите постоечки и нови закани. Не со зборови, туку со примена на воено-технички мерки“, предупреди Путин.

Тој потсети на одлуката на Москва од минатиот месец да се откаже од едностраниот мораториум за распоредување ракети со среден и краток дострел. Тој го опиша потегот како „принуден чекор“, поттикнат од потребата да се спротивстави на плановите за распоредување американски и други западни ракети во Европа и Азиско-пацифичкиот регион.

Сепак, Путин нагласи дека Русија не е заинтересирана за воена реторика или мавтање со оружје.

„Уверени сме во сигурноста и ефикасноста на нашите национални сили за одвраќање, но во исто време не сме заинтересирани за понатамошно ескалирање на тензиите или поттикнување трка во вооружување“.

Тој додаде дека Русија отсекогаш претпочитала „политички и дипломатски методи за одржување на меѓународниот мир, врз основа на принципите на еднаквост, неделивост на безбедноста и меѓусебно почитување на интересите“.

Путин, исто така, рече дека Москва ќе се придржува до ограничувањата на нуклеарното оружје уште една година откако ќе истече последниот преостанат нуклеарен договор со САД во февруари.

Путин рече дека раскинувањето на договорот „Нов СТАРТ“ од 2010 година би имало негативни последици за глобалната стабилност. Зборувајќи на состанокот со членовите на Советот за безбедност на Русија, тој додаде дека Русија очекува САД да го следат примерот на Москва и исто така да се придржуваат до ограничувањата на договорот.

Новиот СТАРТ, потпишан од тогашниот американски претседател Барак Обама и рускиот претседател Дмитриј Медведев, ја ограничува секоја земја на не повеќе од 1.550 распоредени нуклеарни боеви глави и 700 распоредени ракети и бомбардери. Неговото претстојно истекување и отсуството на дијалог за нов договор ги загрижија застапниците за контрола на оружјето.

Спогодбата предвидува обемни инспекции на лице место за да се потврди усогласеноста, но тие се неактивни од 2020 година.

Во февруари 2023 година, Путин го суспендираше учеството на Москва во договорот, велејќи дека Русија не може да дозволи американски инспекции на нејзините нуклеарни објекти во време кога Вашингтон и неговите сојузници од НАТО отворено ја прогласија целта Русија да биде поразена во Украина. Сепак, Москва нагласи дека не се повлекува целосно од договорот и дека ќе продолжи да ги почитува ограничувањата за бројот на нуклеарно оружје што ги пропишува.

Фото: ЕПА

Прикажи повеќе...

Македонија

(Видео) Кузеска: Кој ќе ја преземе одговорноста за расипаниот радар на скопскиот аеродром?

Објавено пред

Од

Денес повторно гледаме како партизацијата и неспособноста на ВМРО-ДПМНЕ директно ги доведуваат граѓаните во опасност. Радар во Контролата на летање на скопскиот аеродром се расипал. Тоа значи дека секој авион што слетува во Македонија сега зависи од импровизација, бавни процедури и надворешни радари од соседни земји, обвини портпаролката на СДСМ, Богданка Кузеска.

dobivaj vesti na viber

Според неа, ова не е само технички дефект, ова е последица на насилното вдомување на партиски кадри во една од најважните институции за безбедноста на сите нас.

„Наместо професионалци, таму се вработуваат луѓе по партиска линија и јасно е дека срга ќе гледаме хаос и импровизација. Сега ќе понесе ли некој одговорност од власта“, рече Кузеска.

Таа прашува кој ќе ја преземе одговорноста за расипаниот радар и до кога безбедноста на граѓаните ќе зависи од импровизациите на ВМРО-ДПМНЕ и уште колку институции ќе паднат во колапс пред ВМРО-ДПМНЕ да признае дека нивниот модел на владеење е опасен и погрешен?

Прикажи повеќе...

Најново

Македонија1 час

Од ноќеска на полноќ поскапува дизелот

Од полноќ, горивата добиваат нови цени, одлучи Регулаторната комисија за енергетика, водни услуги и услуги за управување со комунален отпад...

Свет1 час

Путин: Русија е подготвена воено да возврати на Западот

Рускиот претседател, Владимир Путин, изјави дека Русија е подготвена да одговори на сите закани, додавајќи дека Москва сè уште поддржува...

Македонија2 часа

(Видео) Кузеска: Кој ќе ја преземе одговорноста за расипаниот радар на скопскиот аеродром?

Денес повторно гледаме како партизацијата и неспособноста на ВМРО-ДПМНЕ директно ги доведуваат граѓаните во опасност. Радар во Контролата на летање...

Топ3 часа

Почина девојче во тетовската болница

Девојче на седумгодишна возраст починало вчера во болницата во Тетово. Од Обвинителството соопштија дека е издадена наредба за обдукција. „Јавен...

Македонија3 часа

Уценетиот Асмир Јахоски ја прекина доставата на нафта за автобусите на ЈСП, велат од Град Скопје

Под силен политички притисок уценетиот Асмир Јахоски од „Пуцко петрол“ се приклучува на обидите за создавање хаос во Скопје. Иако...

Македонија6 часа

ЦУК: Гори на планините Кожуф и Добра Вода, под контрола четири пожари

Денеска, до 07:00 часот, на територијата на Македонија имало вкупно 34 пожари на отворен простор, од кои два се активни,...

Македонија7 часа

Нормализиран сообраќајот на регионалниот пат Велес – Градско

Од 08 часот и 20 минути, утрово, сообраќајот на регионалниот пат Велес-Градско е нормализиран, извести АМСМ. Сообраќајот беше во прекин...

Македонија7 часа

Почувствуван земјотрес во југоисточните делови на Македонија, епицентарот во Грција

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...

Свет9 часа

Португалија ја призна Палестина

Португалскиот министер за надворешни работи, Пауло Рангел, изјави дека неговата земја ја признала државата Палестина. „Признавањето на државата Палестина е...

Европа9 часа

Русија: Украинците нападнаа одморалиште на Крим, има мртви и ранети

Украински дронови го погодија одморалиштето Форос на Крим, предизвикувајќи штета и жртви, според Сергеј Аксјонов, шефот на нелегалната окупациска влада....

Свет10 часа

(Видео) Заврши комеморацијата за Чарли Кирк; Трамп: Го уби радикализирано, ладнокрвно чудовиште

На Стејт Фарм стадионот во Аризона заврши комеморацијата за убиениот конзервативен активист Чарли Кирк. На комеморацијата пристигнаа и американскиот претседател...

Свет10 часа

(Видео) Вдовицата на Кирк: Му простувам на човекот што го уби

На Стејт Фарм стадионот во Аризона заврши комеморацијата за убиениот конзервативен активист Чарли Кирк. На комеморацијата пристигнаа и американскиот претседател...

Економија1 ден

Ќе има мерки за цените на прехранбените производи

Владата подготвува мерки за високите цени на прехранбените производи во маркетите. Премиерот Мицкоски вели дека екипи на Државниот пазарен инспекторат...

Економија1 ден

(Видео) Андоновска: ВМРО- ДПМНЕ ги враќа достоинството и сигурноста на македонскиот земјоделец

Развојот на земјоделството е стратешки приоритет на Владата предводена од ВМРО- ДПМНЕ. Земјоделците се клучни за руралниот развој и економската...

Економија1 ден

(Видео) Димковски: Алармантно, над 20 милиони килограми грозје стои неоткупено

Бербата на винското грозје е при крај а состојбата со откупот на терен е алараманта, рече денеска на прес-конференција, Трајан...

Македонија1 ден

Дигиталниот Самит на Западен Балкан 2025 повторно во Скопје – 1 и 2 октомври во Музејот на современата уметност

Министерот за дигитална трансформација, на прес конференција, ја најави организацијата на Дигиталниот Самит на Западен Балкан 2025, кој повторно ќе...

Македонија1 ден

Филипче: ВМРО-ДПМНЕ понуди само ароганција и лаги, ние нудиме чесни и компетентни кандидати на изборите

Претседателот на СДСМ, Венко Филипче, на средби со граѓаните на Струга порача дека власта на ВМРО-ДПМНЕ нуди само ароганција и...

Економија1 ден

Анализа на ССМ: Зголемувањето на минималната плата не води кон затворање на компании

Зголемувањето на минималната плата не придонесува за затворање на компаниите и не ја уништува економијата, туку создава услови за развој...

Македонија1 ден

Сиљановска-Давкова ќе учествува на 80. Генерално собрание на ОН

Претседателката Гордана Сиљановска-Давкова ќе престојува во работна посета на Соединетите Американски Држави по повод учеството на 80. Сесија на Генералното...

Свет1 ден

Во нови израелски напади врз Газа убиени најмалку 30 лица

Најмалку 30 лица денеска загинаа во воздушните напади на израелските сили врз Газа, објави Ал Џезира. Од 30 жртви, 28...