Црна хроника
Турски државјанин обвинет за фалсификување пасош
Основното јавно обвинителство Скопје поднесе обвинение против државјанин на Турција за кривично дело фалсификување исправа.
Обвинетиот вчера, во постапката за продолжување дозвола за привремен престој на странец, пред службите на Министерството за внатрешни работи употребил како вистинска преправена јавна исправа – турски пасош. Во патната исправа била извршена замена на оригиналната надворешна корица и на страницата со податоци.
Надлежниот јавен обвинител на Основниот кривичен суд му предложи да определи притвор, бидејќи постои опасност од бегство на обвинетиот кој е странски државјанин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во скопска фирма затекнати седум турски државјани кои незаконски работеле
Денеска, по претходно добиени оперативни информации, од страна на полициски службеници од Отсекот за странци при Регионалниот центар за гранични работи Север во соработка со трудов инспекторат извршена е контрола во правно лице во Скопје.
При контролата биле затекнати седум турски државјани, кои незаконски работеле во државата.
Лицата биле приведени во Полициската станица Кисела Вода и во текот на денот до Основниот суд Скопје1, против нив ќе биде поднесено барање за поведување на прекршочна постапка за сторен прекршок по Закон за странци, спротивно на член 23, а казниво по член 217 став 1 точка 2.
Црна хроника
Приведени криминалци барани со потерници
Денеска околу 12.50 часот на улицата Даме Груев во Скопје, полицијата го приведе Ќ.М. (34) од Скопје, кој бил баран со потерница па затворска казна во траење од шест години за сторено кривично дело по чл.418-в ст.1 и чл.418-б ст.4 во врска со ст.2 и чл.45 од КЗ.
Исто така, денеска (01.10.2024) околу 12 часот на бул. „Крсте Мисирков“ во Скопје полициски службеници од Оперативен тим потраги при СВР Скопје го лишија од слобода М.А. (56) од Скопје, кој бил баран со потерница по наредба на Основен кривичен суд Скопје за затворска казна во траење од една година за сторено кривично дело по чл.396 ст.1 во врска со чл.12 ст.2 од КЗ.
Лицата ќе бидат предадени на надлежните казнено-поправни установи.
Црна хроника
Пронајдена дрога кај осуденик во штипскиот затвор
СВР Штип поднесе кривична пријава против Н.Ј.(39) од Виница поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурзори“.
На 23.07.2024 затворски полицаец при влез во Казнено поправниот дом Штип, извршил преглед над пријавениот- осудено лице, при што била пронајдена и одземена марихуана.