Црна хроника
Уапсен е инспектор од Државниот пазарен инспекторат, примал поткуп
![](https://makfax.com.mk/wp-content/uploads/2022/12/pari-denari-razmena.jpg)
Вчера, во 12 часот, полициски службеници од Одделението за внатрешни работи Радовиш – Отсек за економски криминал го лишија од слобода 33-годишниот К. Ѓ. од село Подареш, Радовишко, вработен во Државниот пазарен инспекторат, Одделение за инспекциски надзор Струмица, со градовите Гевгелија, Валандово и Радовиш, поради сомнение за сторено продолжено кривично дело примање поткуп по член 357, а во врска член 45 од Кривичниот закон, извести МВР.
„На 21.11.2023, осомничениот, од двајца жители на Радовишко, примил 3.000 денари, кои претходно ги побарал од нив за да не констатира прекршок во согласност со Законот за изменувањето и дополнувањето на Законот за забрана и спречување вршење нерегистрирана дејност, односно за да не преземе службено дејство, кое бил должен да го изврши. Во моментот кога е лишен од слобода кај него се пронајдени парите што ги примил како поткуп. Од дополнително преземените мерки и активности било утврдено дека К. Ѓ. во периодот од јуни до ноември 2023 година во повеќе наврати од жители на Радовиш и Радовишко примил пари во вкупен износ од 18.000 денари и 150 евра како поткуп. Во еден случај примил поткуп за да не констатира прекршок по извршен надзор, а во другите случаи поткупот го примил со цел да не изврши надзор, кој бил должен да го изврши, соопшти МВР.
К. Ѓ. е задржан во Полициската станица Радовиш и ќе биде поднесена кривична пријава до Основното јавно обвинителство Струмица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Топ
Во несреќа кај Глумово повредени четири лица меѓу кои и деца, едниот од возачите побегнал
![](https://makfax.com.mk/wp-content/uploads/2022/10/soobrakajka.jpg)
Четири лица се повредени во сообраќајна несреќа што се случила вчера на локалниот пат кон селото Глумово, скопско.
Во несреќата учествувале автомобил „фолксваген голф“, кое побегнало и местото и „ауди“ управувано од 27-годишната Б.Љ. од Скопје.
„Аудито“ излетало надвор од коловозот, а со тешки повреди се здобила 49-годишна сопатничка, додека Б.Љ. и двајца малолетници се здобиле со телесни повреди.
Сите биле пренесени на Комплексот клиники Мајка Тереза во Скопје.
Полицијата извршила увид.
Црна хроника
Автомобил удри во 27-годишен пешак во Скопје
![](https://makfax.com.mk/wp-content/uploads/2023/08/brza-pomosh-5.jpg)
Вчера на булеварот Крсте Мисирков во Скопје, автомобил „фолксваген голф“ со скопски регистарски ознаки управувано од Е.Е.(53) од селото Љуботен, скопско, удрило во пешакот А.В.(27).
Во несреќата со тешки телесни повреди се здобил пешакот, додека со телесни повреди се здобил сопатникот во возилото, Р.М.(59) од с.Љуботен, скопско, констатирани во Градската општа болница „Св.Наум Охридски“ – Скопје.
Извршен бил увид.
Црна хроника
Му се заканувале и му барале 80 илјади евра, па му го запалиле возилото: полицијата го расчистува случајот
![](https://makfax.com.mk/wp-content/uploads/2023/08/opozareno-vozilo2.jpg)
Денеска во 01.15 часот во СВР Скопје, 33-годишен маж од Скопје пријавил дека претходниот ден од телефонски број на лице кое го познавал му биле испраќани пораки со заканувачка содржина и му биле барани 80.000 евра, извести МВР.
„Подоцна во 00.40 часот на 21.06.2024 негов сосед го известил дека било опожарено неговото возило „форд фиеста“ со скопски регистарски ознаки, кое било паркирано пред неговата куќа“, соопшти МВР.
Пожарот бил изгаснат,а повредени лица нема. Се преземаат мерки за расчистување на случајот.