Црна хроника
Украле „југо“ и извршиле тешки кражби во повеќе возила во скопски Аеродром: приведени малолетници од Скопје и Кавадaрци

Денеска, во 6 часот, на подрачјето на Бит-пазар, полициски службеници од Оперативниот тим потраги при СВР Скопје ги лишиле од слобода К. Д. (18) од Кавадарци, Т. И. (18) од Скопје и двајца малолетници од Скопје.
Тие се сомничат дека претходно одзеле патничко возило „југо“ и извршиле тешки кражби во повеќе возила на подрачјето на општина Аеродром, при што одзеле повеќе предмети.
Возилото и одземените предмети биле пронајдени и вратени на сопствениците. По целосно документирање на случаите, против лицата ќе бидат поднесени соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Му ја одзеле возачката во странство, а во Македонија пријавил дека ја изгубил, заврши со кривична

Полицијата поднесе кривична пријава против 30-годишен жител на селото Новак, општина Центар Жупа, осомничен дека дал лажен исказ за да добие нова возачка дозвола.
Како што соопшти МВР, осомничениот Н.И. на 29 септември годинава во управните служби пријавил дека ја изгубил возачката дозвола и поднел барање за издавање нова.
Но, по спроведената проверка, било утврдено дека неговата изјава не била точна. Возачката дозвола, како што покажала истрагата, му била одземена од полициски службеници во една странска држава.
Поради тоа против него е поднесена кривична пријава за „давање лажен исказ“.
Црна хроника
Судир меѓу три возила во Тетово: едно лице со тешки повреди пренесено во болница

Вчера во 14:20 часот во СВР Тетово е пријавено дека на булеварот „Благоја Тоска“ во Тетово се случила сообраќајна несреќа помеѓу патничко возило „голф“ со тетовски регистарски ознаки, управувано од Р.И.(53) од Тетово, патничко возило „опел астра“ со тетовски регистарски ознаки, управувано од А.Б.(46) од Тетово и патничко возило „бмв“ со тетовски регистарски ознаки, управувано од Ј.А.(36) од с.Непроштено, општина Теарце.
Во несреќата со тешки телесни повреди се здобил возачот А.Б., констатирани во Клиничката болница Тетово. Извршен е увид од увидна екипа од СВР Тетово.
Топ
Жени се истепаа во автобус на ЈСП, во друг инцидент, скопјанец нападнат од четири лица

Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен јавниот ред и мир со физичка пресметка помеѓу 46-годишната К.Т. од Куманово и 47-годишната Б.С. од Скопје.
По целосно документирање на случајот ќе следува соодветен поднесок.
Исто така, вчера во 16:30 часот во СВР Скопје, А.Г.(41) од Скопје пријави дека околу 13:30 часот во автобус на ЈСП на подрачјето на Бит Пазар, бил физички нападнат од четири лица. Се преземаат мерки за расчистување на случајот.