Арачиновец бил повикан да излезе пред неговата куќа, а потоа бил застрелан. Четириесет и двегодишниот маж синоќа бил донесен на Комплексот клиники со повреди од оружје во предлот на десната нога.

Од МВР за случајот велат дека излегле на местото на настанот пришто нашле две чаури од огнено оружје.

Засега нема информации дали е фатено лицето коешто пукало, како и за можните мотиви за пукањето.

Се преземаат мерки за расчистување на случајот.

Жена се здоби со тешки телесни повреди кога паднала од мотор на патот Кичево-Гостивар.

Според информациите од МВР, несреќата се случила вчера додека Н.Л.(41) од Кичево управувал мотоцикл „јамаха“.

„Сопатничката А.Н.(40) од Кичево паднала од мотоциклот на коловозот. Во несреќата таа се здобила со тешки телесни повреди, констатирани во Медицинскиот центар Кичево“, објави МВР.

Извршен бил увид.

Вчера во 15.20 часот од страна на полициски службеници од СВР Битола бил извршен претрес кај E.М.(53) од с.Бистрица, битолско.

При претресот биле пронајдени пет пушки, над 100 парчиња муниција, како и различни делови за оружје. Е.М. бил приведен во полициска станица и по документирање на случајот ќе биде поднесена соодветна пријава.

Исто така, на 22.10.2024, во времето од 10.30 до 11.30 часот од страна на полициски службеници од ОВР Македонски Брод при СВР Битола, а по претходно издадена судска наредба, извршен е претрес во с. Белица, во домот на Д.И.(46) од с.Белица, Македонски Брод, при што пронајдена била муниција од различен калибар.

Д.И. е приведен во полициска станица и по документиурање на случајот ќе следува соодветна пријава.