Црна хроника
Четворица повредени во сообраќајна несреќа во Струшко

Четворица повредени во сообраќајна несреќа во Струшко.
Според информациите, несреќата се случила синоќа меѓу две возила на регионалниот пат с. Јабланица – с. Лабуништа.
„На 10.7.2023, во 22.10 часот, било пријавено дека на регионалниот пат с. Јабланица – с. Лабуништа се случила сообраќајна несреќа помеѓу патничко возило ‘бмв’, управувано од А. Н. (18), и патничко возило ‘фолксваген голф’, управувано од Е. С. (35), двајцата од с. Лабуништа, и двете возила со струшки регистарски ознаки.
Во несреќата тешки телесни повреди добиле возачот Е. С. и сопатникот од возилото „голф“, Џ. К. (37), а телесни повреди добиле сопатниците од возилото „бмв“, С. Н. (18) и А. Л. (18), сите од с. Лабуништа, констатирани во Специјалната болница „Св. Еразмо“ во Охрид“ соопшти МВР.
Извршен бил увид од екипа на Полициската станица Струга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Татко на синовите им се заканувал со нож, син ја нападнал мајка си – семејно насилство во Скопје

Два случаи на семејно насилство се регистрирани вчера во Скопје.
Нешто пред полноќ, 24-годишен маж од Скопје пријавил дека во дворот од семејната куќа на подрачјето на општина Аеродром, неговиот татко И.Т.(54) со остар предмет упатувал закани кон него и неговиот 26-годишен брат.
На подрачјето на Ѓорче Петров, пак, полицијата го приведе Б.Л.(28) од Скопје, по претходна пријава дека околу 12.00 часот во семејниот дом, физички ја нападнал неговата 50-годишна мајка.
МВР ги расчистува случаите.
Црна хроника
Пожар во Дебреше во дом на притвореник за убиство, најден пиштол

Пиштол бил најден за време на гаснење на пожар во куќа. Горел вториот кат, а во моментот во домот немало никој.
Се работи за куќа во селото Дебреше, која е во сопственост на Б.В. кој моментално издржува мерка притвор во затворот во „Шуто Оризари“ за убиство, соопшти МВР.
Пожарот избувнал утринава два часа по полноќ, а на терен излегле полицијата и пожарникарите. Бил локализиран еден час подоцна.
Во текот на денот ќе се врши увид.
Црна хроника
Скопјанка нападнала две лица по сообраќајно недоразбирање во Карпош

На подрачјето на Карпош, вчера по претходно недоразбирање во сообраќајот, бил нарушен јавниот ред и мир.
Како што објави МВР во дневниот полициски билтен, полициски службеници излегле на лице место, при што било констатирано дека Е.Ѓ.(29) агресивно се однесувала, удирајќи по патничко возило „мерцедес“ со битолски регистарски ознаки управувано од Ј.Б.(39) и сопатникот Е.Ѓ. (29) сите од Скопје, при што физички ги нападнала.
По целосно документирање на случајот ќе следува соодветна пријава.