Црна хроника
Шанкери претепале гостин во Скопје, кумановец ранет во кафуле

Шанкери претепале гостин во ноќен клуб лоциран на бул.„Климент Охридски“ во Скопје.
Како што соопшти МВР, во саботата настанала расправија помеѓу оштетениот С.П.(31) од Скопје и шанкерите. Откако вработените излегле од шанкот започнале да го удираат оштетениот со тупаници во пределот на главата и лицето, а во еден момент уште неколку машки лица се приклучиле во нападот.
Откако С.П. се обидел да избега, од страна на сторителите бил удрен со две стаклени шишиња во пределот на главата. Повредениот бил пренесен во КЦ-Ургентен Центар, каде му се констатирани телесни повреди.
Утрово во болницата во Куманово бил донесен 19 годишен кумановец, со прострелна рана во пределот на десната подколеница.
Како што соопшти полицијата, ранет бил донесен Б.С.(19) од Куманово со повреда во пределот на десната подколеница нанесена од огнено оружје која ја здобил во кафе бар „Тунел“ во Куманово.
Во двата случаја полицијата превзема мерки за расчистување на инцидентите. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Се степале малолетнички, па се вмешала бабата

Вчера дека на подрачјето на Шуто Оризари, бил нарушен јавниот ред и мир со физичка пресметка помеѓу две малолетнички од Скопје.
„Потоа, А.Д., баба на една од малолетничките, физички ја нападнала другата малолетничка“, велат од МВР.
Се преземаат мерки за расчистување на случајот.
Црна хроника
Приведен сопственик на локал во Гостивар, картонот за сервисирање на ПП-апаратите не бил оригинал

Полицијата го приведе Б.Р.(70), сопственик на угостителски објект од Гостивар.
Во содејство со инспектори од Дирекција за заштита и спасување – Скопје, била извршена контрола на противпожарните апарати во угостителски објект во Гостивар, при што било утврдено дека картонот за сервисирање не е оригинал.
Б.Р. е задржан во полициска станица и против него ќе следува соодветен поднесок.
Црна хроника
Тешко повреден пешак во Скопје, возачот го удрил и избегал

Дваесет и осумгодишен пешак се здобил со тешки повреди откако во него удрил автомобил, а возачот избегал од местото на несреќата.
Според информациите на полицијата, сообраќајната несреќа се случила вчеравечер на ул.„Борис Трајковски“ во Скопје.
„Во СВР Скопје било пријавено дека околу 18.15 часот на ул.„Борис Трајковски“, во близина на крстосница со ул.„Саса“, во Скопје патничко возило удрило во пешакот С.М.(28) од с.Страхојадица,скопско, по што возачот со возилото го напуштил местото на настанот. Во несреќата со тешки телесни повреди се здобил пешакот, констатирани во Градската општа болница „Св.Наум Охридски““, соопшти МВР.
Извршен бил увид од увидна екипа од СВР Скопје и се преземаат мерки за расчистување на случајот.