Црна хроника
Шест казни за вршење меѓународен превоз без лиценца

Во близина на граничниот премин Табановце од 21 до 03 часот утрото биле фатени шест комбиња кои вршеле јавен меѓународен превоз на патници без лиценци.
Според информациите, се работи за возило “мерцедес спринтер“ со струмички регистарски ознаки, управувано од Д.А., во кое се превезувале осум патници, возило “пежо партнер“ со валандовски регистарски ознаки, управувано до Л.А., во кое се превезувале тројца патници, возило “фиат дукато“ со струмички регистарски ознаки, управувано од А.П., во кое се превезувале осум патници, возило “фиат дукато“ со струмички регистарски ознаки, управувано од Н.К.П., во кое се превезувале осум патници, возило “мерцедес спринтер“ со струмички регистарски ознаки, управувано од Е.А., во кое се превезувале осум патници и возило “фолсваген каравел“ со италијански национални ознаки, управувано од Б.М.(со регулиран престој во Италија) во кое се превезувале шест патници.
Од страна на полициските службеници од ОГРМ во соодејство со Државен инспекторат за транспорт при Министерство за транспорт и врски преземени се соодветни мерки и активности, возилата се исклучени од сообраќај и поднесени се соодветни пријави:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 30-годишник од Скопско поради тешка кражба, одреден му е притвор

На 14.10.2025 часот во 17:30 часот во трговски центар на подрачје на Карпош во Скопје полициски службеници од СВР Скопје го лишија од слобода 30-годишниот М.А. од село Глумово, скопско поради извршено кривично дело „тешка кражба“ по член 236 од Кривичниот законик на Р.С.Македонија.
Лицето по насока на Јавен обвинител беше задржано во Полициска станица и по комплетирање на доказниот материјал во координација со ОЈО Скопје истиот на 15.10.2025 година е изнесен пред судија на претходна постапка, при што му е одредена мерка притвор.
Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.