Црна хроника
Штипјанец се возел низ градот иако знаел дека е заразен со коронавирус

Штипското основно јавно обвинителство поднесе предлог за казна за едно лице поради непостапување според здравствените прописи за време на епидемија.
Според информациите, обвинетиот на 24 март добил известување од болницата „Жан Митрев“ дека неговиот резултат од тестот за Ковид-19 е позитивиен, при што му било издадено решение, со кое се одредува лекување и изолација во домашни услови.
Но, на 30 март тој не постапил по решението, го напуштил својот дом како место за самоизолација и со своето возило бил затекнат како фрла кеси со отпад во близина на Здравствениот дом во Штип.
Јавното обвинителство предложи на осомничениот да му биде изречена глоба во висина од 2.000 евра во денарска противвредност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Насилство во женското одделение во Идризово, осуденичка е тешко повредена

Во женското одделение во затворот „Идризово“, пред два дена, бил нарушен јавниот ред и мир со физичка пресметка.
Во пресметката, како што информираа од полицијата, учествувале осуденичките Х.Д. и Е.А., при што Е.А. се здобила со тешки телесни повреди, констатирани во Комплекс клиники „Мајка Тереза“ во Скопје.
Се преземаат мерки за расчистување на случајот.
Црна хроника
Двајца гостиварци купиле ист стан, МВР го расчистува случајот

Двее лица од Гостивар на возрааст од 42 и 58 години, пријавиле дека биле измамени од Џ.С. – сопственик на градежна компанија од овој град.
Според пријвеното, тој на двајцата им продал ист стан во зграда во Гостивар.
Од МВР велат дека се преземаат мерки за расчистување на случајот.
Црна хроника
Прегазен пешак во Скопје

Вчера во 12.00 часот во СВР Скопје било пријавено дека на крстосница од ул.„Живко Фирфов“ и ул.„Иван Хаџи Николов“ во Скопје, патничко возило удрило во пешакот П.Р.(72) од Скопје.
По случката, возачот со возилото го однел пешакот во неговиот дом, но подоцна во Градската општа болница „Св.Наум Охридски“ Скопје на П.Р. му биле констатирани тешки телесни повреди.
Полицијата соопшти дека се преземаат мерки за расчистување на случајот.