Црна хроника
Соседот ѝ се заканувал со секира и ја гаѓал со камења
Четириесет и едногодишна жена од Скопје пријавила во полиција дека вчера на булеварот Македонско-косовска бригада, додека одела кон своето возило, кое било паркирано пред нејзиниот дом, соседот Д.Т. (56) излегол надвор со секира во раката, се приближил до неа и ѝ упатил навреди и закани.
Х.С. влегла во дворот, а тој ја оставил секирата и зел камења и почнал да ги фрла кон неа. Д.Т. е приведен во Полициската станица Бит-пазар и по целосното расчистување и документирање на случајот, ќе следува соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Одземени му се пасошите и дозволата на возачот кој го прегази Јорго Ќука во Скопје
Обвинителството достави до судот предлог за определување мерки на претпазливост за 37-годишниот возач кој на 3 ноември со автомобил удри во поранешниот директор на „Охис“ Јорго Ќука кој со својот велосипед во тој момент се наоѓал на пешачки премин.
На осомничениот, кој има македонско и српско државјанство, му се одземени двете патни исправи и возачката дозвола, а му е изречена и забрана за напуштање на живеалиштето и обврска повремено да се јавува кај надлежен државен орган.
Обвинителството соопшти дека возачот управувал со неприлагодена брзина која не му овозможувала да запре навремено во случај на потреба или пречка. Пристигнувајќи на крстосницата со улицата „Лазар Личеноски“, удрил во велосипедот управуван од Ќука, кој се движел по обележаниот пешачки премин. Од ударот, Ќука се здобил со тешки повреди и подоцна починал.
Црна хроника
Краделе тутун од фолии и сушници во Василево и Босилово, направиле штета од 500.000 денари
Полицијата уапси три лица за кражба на тутун од фолии и сушари во Василево и Босилово со што направиле штета од 505.000 денари.
Според информациите од МВР, СВР Струмица до Основното јавно обвинителство Струмица поднесе кривична пријава против Е.И.(21), Т.Ф.(20) и Т.Д.(31), сите од с.Старо Балдовци, струмичко, поради постоење основи на сомнение за сторени шест кривични дела „кражба“ по член 235 од Кривичниот законик.
Тие се сомничат дека во периодот од 06.08.2025 до 15.10.2025 од фолии и сушари, сопственост на жители на неколку населени места од општините Василево и Босилово, одзеле сув тутун. На тој начин тие им нанеле штета од 505.000 денари.
Црна хроника
Уапсен 46-годишен скопјанец за обљуба врз малолетната поќерка
Четириесет и шестгодишен скопјанец е уапсен под сомнение за обљуба врз неговата малолетна поќерка.
Според информациите на МВР, вчера во 22:10 часот, полициски службеници од СВР Скопје лишија од слобода 46-годишник од Скопје, постапувајќи по претходна пријава дека извршил обљуба врз неговата малолетна поќерка.
По целосно документирање на случајот ќе следува соодветна пријава.

