Црна хроника
13-месечно бебе паднало од балкон во Куманово
Тринаесетмесечно бебе паднало од балкон во Куманово. Детето било пренесено во Јавната здравствена Куманово и по укажаната помош било пренесено во Детска клиника при комплексот клиники „Мајка Тереза“ во Скопје.
Според полицијата, несреќата се случила вчера во 15:55 часот кога Итната медицинска помош во СВР Куманово пријавила дека на улицата Егејска Македониј“ дошло до несреќен случај, при што бебето паднало од балкон. Се преземаат мерки за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Лажни дојави за бомби во „Јане Сандански“ и соседниот хотел
Вчера во 20:51 и 21:17 часот, на линијата за итни повици 112 биле примени две телефонски пријави за наводно поставени експлозивни направи во Спортската сала „Јане Сандански“ и во хотелот што се наоѓа веднаш до неа.
Полицијата веднаш презела мерки, извршени биле сите неопходни проверки, при што било утврдено дека се работи за лажни дојави.
Од МВР информираат дека се преземаат мерки за целосно расчистување на случајот.
Црна хроника
Приведен жител на Русиново, со стаклен предмет тешко повредил дете
Утрово, на 23 ноември 2025 година, околу 08:15 часот во селото Русиново, беровско, полициски службеници го лишија од слобода Ј.К.(25) од истото село.
Приведувањето уследи по претходна пријава дека во викенд-куќа во селото, по расправија, тој со стаклен предмет нападнал малолетник од Македонска Каменица, нанесувајќи му тешки телесни повреди.
Од МВР информираат дека се преземаат мерки за целосно расчистување на случајот.
Црна хроника
Уапсени седум лица во Скопје и Тетово, пронајдена дрога и нож
Во текот на 22 и 23 ноември 2025, на повеќе локации во Скопје, полициски службеници од СВР Скопје ги лишија од слобода М.Џ.(21), И.Т.(31), С.П.(26), Е.Н.(31), И.Г.(25) и А.П.(26) – сите од Скопје, како и И.М.(35) од Тетово.
При контролите кај нив биле пронајдени и одземени бела прашкаста материја, марихуана, таблети и нож.
Од МВР информираат дека по целосно документирање на случаите ќе бидат поднесени соодветни поднесоци.

