Дежурен лекар во Психијатриската болница „Скопје“ бил пронајден починат синоќа по полноќ на работното место.

Како што соопшти МВР, здравствениот работник починал во собата за дежурни лекари.

Станува збор за 61-годишен скопјанец со иницијали Љ.Н.(61).

Екипата на Итната медицинска помош констатирала смрт без траги на насилство, а по наредба на Јавен обвинител телото на починатиот било дадено на обдукција.

Семејна драма се случувала вчера во Ресен, кога 31-годишна девојка (Д.Н). се обидела со нож да го повреди сопругот со кого се во бракоразводна постапка.

Таа дошла кај сопругот заедно со својата мајка и двете физички ги нападнале баба му и неговата нова девојка. Потоа, Д.Н. се обидела со нож да го повреди него.

Полициски службеници излегле на местото и од жената бил одземен ножот.

По целосно документирање на случајот против неа ќе биде поднесена соодветна пријава.

Осумдесетгодишна жена од Скопје загина како последица на сообраќајна несреќа што се случи вчера на пладне кај Старо Нагоричане, Кумановско.

Загинатата била сопатник во автомобил, управуван од Р.Ц.(75) од Скопје.

Според информациите од полицијата, возилото во еден миг излетало од патот.

Жената заедно со возачот била пренесена на Комплексот клиники „Мајка Тереза“, каде по четири часа починала. Возачот бил задржан во болница со тешки повреди.