Црна хроника
18-годишна девојка загина во сообраќајна несреќа на автопатот Скопје – Куманово
Осумнаесетгодишна девојка од Куманово загина, а уште две лица добиле повреди во сообраќајната несреќа што се случила вчера на автопатот Скопје – Куманово во близина на наплатната станица „Романовце“.
Како што информираат од МВР, вчера, околу 21.55 часот, во СВР Куманово било пријавено дека на автопат Скопје – Куманово, на речиси еден километар пред наплатната станица „Романовце“, се случила сообраќајна незгода помеѓу патничко возило „ауди“, со кумановски регистарски ознаки, управувано од С. В. (20) од Куманово, и товарно возило „застава“, со кумановски регистарски ознаки, управувано од Д. В. (55) од с. Старо Нагоричане, Кумановско.
На местото на незгодата починала М. М. (18) од Куманово, сопатничка во возилото „ауди“.
С. В. добил тешки телесни повреди, а Д. В. добил телесни повреди, констатирани во болницата во Куманово.
Увид на местото извршиле екипа на СВР Куманово и јавен обвинител по чија наредба телото на почината било дадено на обдукција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.