Министерството за внатрешни работи во текот на вчерашниот ден (03.08.2021) продолжи со засилените акциски контроли во областа на сообраќајот.

На територијата на град Скопје изречени се вкупно 173 мерки, меѓу кои за возење повеќе од дозволената брзина 78 санкции, 11 за возење без возачка дозвола, пет за возење под дејство на алкохол.

Изречени се четири мерки за некористење сигурносен појас, девет за прекршоци што ги чинат возачите на мотоцикли.

Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Во попладневните часови на 2 август, полицаец пријавил дека бил нападнат од куче додека извршувал службени дејствија во скопското село Горно Соње.

Нападот го пријавил околу 16.50 часот во полициската станица Кисела Вода.

Според пријавеното, на улицата број 7 во селото, при преземање на службени дејствија, службеникот бил каснат од куче скитник.

Полицијата уапсила 36-годишен скопјанец откако започнала истрага по пријава дека во близина на градската општа болница „8 Септември“ почината била пронајдена 59-годишна жена со иницијали В.М.

Полициски службеници излегле на местото при што било констатирано дека околу 30 минути по полноќ, на 2 август, В.М. најпрво била пронајдена со повреди во селото Волково, по што била пренесена во болницата „8 Септември“ за укажување лекарска помош.

Таа самостојно ја напуштила болницата, не сакајќи да пријави дека била малтретирана од нејзинот 36-годишен син (П.М), но набргу по излегувањето од болницата починала.

По наредба на јавен обвинител телото било предадено за обдукција.