Две жени од Штип и Свети Николе во текот на вчерашниот ден биле нападнати. Едната од момчето, а втората од поранешниот сопруг.

Од МВР информираа дека во Штип нападната е 33-годишна жена на бензиска пумпа во градот, од страна на нејзиниот партнер Е.Ј.(34) од селото Конче.

Во случајот во Свети Николе, приведен е Д.М.(68) кој ја нападнал неговата 56-годишна поранешна сопруга и со нож и се заканувал во домот.

Полицијата работи на расчистување на случаите.

Локомотива во сопственост на Македонски железници, синоќа оп полноќ удри во 55-годишниот пешак С.Л. од Скопје.

Несреќата се случила на  железничкиот премин Хиподром, а пешакот е тешко повреден, соопшти МВР.

Пренесен е на Комплексот клиники „Мајка Тереза“ и извршен е увид на местото на несреќата.

Скопјани од Идризово уценувале мајка на затвореник да им даде пари за да и’ го штитат синот.

МВР за случајот извести дека е поднесена кривична пријава притив двајцата, А.Б.(31) и А.Р.(25), поради изнуда и лихварство.

Тие, додека ја издржувале казната во затворот, незаконски дошле до телефони и преку „месинџер“ барале од мајката на друг осуденик да им исплаќа по 1.200 евра месечно за нејзиниот син да добие гаранции и заштита во затворот и подобри услови за сместување.

При видео повиците, затворениците и’ покажувале на жената и како насилно се однесувале кон нејзиниот син, притоа уценувајќи ја дека доколку не им бидат исплатени пари ќе продолжат со насилството кон синот.

Пред два дена, браќата на двајцата изнудувачи, по претходен договор со мајката на затвореникот од која барале пари, дошле во Струмица за да се сретнат со неа и да им ја исплати бараната сума. Едниот ги зел обележаните пари и бил веднаш приведен, додека братот на вториот изнудувач се дал во бегство, но за брзо бил фатен и приведен.

Истовремено, извршен бил претрес во затворските ќелии кај изнудувачите и им биле најдени и одземени телефоните. Нивните браќа биле изведени пред судија и завршија во куќен притвор.