Црна хроника
За првите шест месеци 50 кривични дела од шверцот

Извршени се 50 кривични дела, од кои 9 од Законот за акцизи, 11 се за „криумчарење“ и 10 се за „прикривање стоки кои се предмет на криумчарење и царинска измама“, при што мерки на кривичен прогон се преземени против 47, додека пет од делата се извршени од непознат сторител
При реализирање на кривичните дела се запленети 2.252 штеки и 76 пакувани кутии разни видови цигари, 30 килограми дробен тутун, два тони и 592 литри алкохол, 27.002 парчиња разни видови лекови, 30 комплети за сауни, пет грла добиток, по еден трактор и половен мотор за товарно возило, 30 моторни пили, како и поголема количина текстилна стока (3.112 парчиња разновидна облека, 108 женски чанти и 98 пара обувки).Кривичните дела од оваа област, соопшти денеска МВР, бележат намалување за 41,8 проценти во споредба со минатогодишниот шестмесечен период, додека кај запленетите количини акцизни стоки е забележано петкратно намалување во однос на запленетите количини цигари (што се должи на минатогодишните запленети во рамки на акцијата „Пепел) и 24 проценти намалување кај запленетите количини алкохолни пијалоци. Во делот на криумчарење цигари и тутун, вкупно се откриени 19 случаи, од кои најголем број откриени случаи – по шест се на подрачјата на Скопје и Тетово. При тоа во Скопје се запленети 313,8 штеки, 76 пакувани кутии разни видови цигари и 30 килограми дробен тутун, во Тетово 1.230 штеки цигари. На подрачјето на Куманово се откриени четири случаи и запленети 663,8 штеки цигари, додека на подрачјата на Битола, Крива Паланка и Струга се откриени по еден случај со запленети вкупно 64 штеки цигари.Карактеристичен е случајот откриен на подрачјето на Скопје кога при преглед на патничко возило, управувано од лице од скопското село Љуботен се пронајдени 76 пакувани кутии цигари, што самиот ги произведувал и пакувал со намера да ги продава на „Бит пазар„ во Скопје, како и случајот на подрачјето на Куманово каде при претрес во домот и киоск на едно лице се пронајдени 440,4 штеки разни видови цигари, што ги набавил во текот на 2008 година од непознато лице од Куманово со цел да ги продава во градот.Најголемиот дел од запленетите цигари се од марката „марлборо”, „партнер”, „сумер”, „данхил”, „ронсон”, „карелиа слимс”, „бонд”, „родео“, „ЛМ“, „престиж“, „вест“, „лорд“, „божур“, „рондо“, „трусарди-ментол“, „давидоф“„филип морис“ и други. Притоа, во повеќе случаи што се откриени на подрачјето на Скопје и Тетово, во пакувања од одредени странски цигари, се пронајдени цигари со марка од послаб квалитет односно од косовско производство.Во рамки на активностите за откривање и спречување на пуштање во промет алкохолни пијалоци без пропишани акцизни ознаки или со фалсификувани контролни маркици, вкупно се откриени девет случаи, од кои најголем број откриени случаи и тоа осум и запленети два тони и 310 литри алкохол се на подрачјето на Скопје. На подрачјето на Делчево е откриен еден случај со запленети 282 литри. Како покарактеристични случаи во овие шест месеци, беа регистрирани неколку, меѓу кои случајот во Скопје, каде при претрес во куќа се пронајдени 1.800 литри алкохолни пијалоци со хрватски бандероли. Утврдено е дека во почетокот на оваа година, сопственикот на алкохолните пијалоци, иако знаел дека истите се криумчарени, ги складирал во куќата на неговиот татко со намера да ги препродава.Во врска со криумчарењето текстил вкупно се откриени осум случаи, од кои четири случаи и запленети количини текстилна стока во вредност од околу 450 илјади денари се реализирани на подрачјето на Куманово, потоа Скопје со откриени два случаи и запленети 928 парчиња тестилни производи и половен мотор за товарно виозило. На подрачјата на Битола и Радовиш се откриени по еден случај, при што во Радовиш се запленети 98 пара обувки, додека на подрачјето на Битола 1.569 парчиња текстилна стока и 108 чанти. Според потеклото, во три случаи, текстилната стока е набавена од Бугарија, во два случаи од Скопје и по еден случај од Грција и Косово.Во овие шест месеци, како предмет на криумчарење, во два случаи се јавуваат и лекови. Во првиот случај во непосредна близина на село Злокуќани на македонско-косовска граница, кога лице од Куманово, управувајќи патничко возило натоварено со пакети во кои имало 25 илјади таблети лекови-марка „ласикс“, избегнувајќи ја царинската контрола, надвор од утврден граничен премин се обидел илегално да ја помине граничната линија и лековите да ги пренесе од Македонија во Косово, при што бил спречен од страна на полициската патрола. Во вториот случај, на подрачјето на тетовското село Јажинце, во близина на границата со Косово, при обид да се изврши контрола на едно лице, истото успеало са побегне на косовска територија оставајќи пакети со поголема количина разновидни лекови.Карактеристичен е и случајот кога на патот Крива Паланка – Куманово, при контрола на патничко возило во кое се превезувало лице од Скопје се пронајдени 30 комплети за сауни што претходно, за паричен надомест, од Република Бугарија, преку граничниот премин „Деве Баир“ му ги пренело лице од Крива Паланка.Што се однесува до петте случаи извршени од непознат сторител, во два случаи се пронајдени пет грла добиток на подрачјето на Ресен кога при вршење патролна служба, затекнати се неколку лица при илегално пренесување на добиток, при што истите преминале на територијата на Албанија оставајќи пет грла добиток, и во три случаи со пронајдени 443 штеки цигари и повеќе пакети со 2002 парчиња лекови, во близина на границата со Косово и во атарот на тетовското село Јажинце, кога при вршење патролна служба, затекнати се неколку лица при илегално пренесување на цигари и лекови, при што истите преминале на територијата на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Поранешен дечко со оружје дошол пред домот на девојка во Гевгелија, полицијата го спречила

Полицијата во Гевгелија денеска спречи обид за убиство на девојка од нејзиниот поранешен партнер.
Според информациите на Министерството за внатрешни работи, 25-годишната М.П. од Гевгелија пријавила дека на нејзината влезна врата тропале нејзиниот поранешен партнер Ј.Г., кој користел отсуство од затвор, заедно со Л.Г.
Од пријавата произлегува дека двајцата се заканувале, а младата девојка слушнала и репетирање на огнено оружје.
Полициските службеници веднаш излегле на местото на настанот и извршиле преглед. Во ормарот за чевли бил пронајден пиштол без рамка. При извршеното алкотестирање кај поранешниот партнер биле измерени 3,3 промили алкохол во крвта.
Двајцата биле приведени, а по целосно документирање на случајот ќе биде поднесена кривична пријава.
Црна хроника
Со тврд предмет ги нападнал сопругата и малолетната ќерка: уапсен скопјанец

Синоќа во 20:30 часот на подрачјето на Бит Пазар во Скопје, полициски службеници од СВР Скопје лишија од слобода 39-годишник од Скопје.
Полицијата постапила по претходна пријава од неговата 42-годишна сопруга дека во семејниот дом, физички ги нападнал неа и нивната малолетна ќерка, при што употребил и тврд предмет.
По целосно документирање на случајот ќе биде поднесен соодветен поднесок.
Црна хроника
Ги претепал двете сестри: кривична за 19-годишник од Тетовско

СВР Тетово поднесе кривична пријава против 19-годишник од тетовско село.
Тој се сомничи за сторено кривично дело „телесна повреда“.
Имено на 09.08.2025 во семејниот дом, пријавениот физички ги нападнал двете негови сестри, од кои едната е малолетничка.