Црна хроника
Царината заплени злато
Според извештајот на Царинската управа, минатата седмица минала без особени обиди за непријавено внесување на стоки во државата. Покрај златото, запленети се 3.600 апчиња за кучиња, 700 кукли, 94 рала тренерки, капки за живина и еден компресор
Царинските работници од Одделението за оперативни работи привремено задржаа 175 парчиња златен и сребрен накит (прстени, белегзии, ѓердани, обетки, синџирчиња и брошеви), четири златарски ваги и три каталог за накит. Непријавената стока била сокриена меѓу храната и личниот багаж на лице со иницијали Ш.Г., македонски државјанин од селото Дебреште, кој патувал со автобус со турски регистарски ознаки, на релација Истанбул – Гостивар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.