Црна хроника
Запленети 15 километри телекомуникациски кабел

Цариниците при спроведување на редовни царински контроли, на 30 ноември, 1-ви и 4-ти декември, откриле 14.640 метри телекомуникациски кабел 200 компјутерски глувчиња, 180 пара фалсификувани патики, 7.200 букети од вештачко цвеќе, 192 керамички вазни и 190 пластични саксии за цвеќе
На 1-ви декември на царинската испостава Терминал Увоз Скопје, за спроведување на постапка на увозно царинење била пријавена компјутерска галантерија со потекло од Кина, наменета за скопска фирма увозник од Скопје. Стоката била натоварена во камион со македонски регистарски ознаки. По извршениот преглед на стоката било констатирано дека, покрај пријавената, има и непријавена стока и тоа 48 котури со вкупно 14.640 метри телекомуникациски кабел и 200 компјутерски глувчиња. На истата царинска испостава, денес, 04.12.2009 година, во претпладневните часови, при детален преглед на товарно моторно возило со македонски регистарски ознаки, натоварено со стока со потекло од Кина, а наменета за увозник од Скопје, покрај пријавената стока, царинските работници од Одделението за оперативни работи откриле и непријавени 7.200 мини букети – вештачко цвеќе, 192 керамички вазни и 190 пластични саксии за цвеќе.Во двата случаи непријавената стока е привремено задржана, а против фирмите-увозници ќе бидат поднесени барања за поведување на прекршочна постапка до Комисијата за одлучување по прекршок во Царинската управа на Република Македонија.Покрај тоа, истот ден на царинската испостава Скопје, при детална контрола на товарно моторно возило со македонски регистарски ознаки, натоварено со разна стока со потекло од Кина, а наменета за фирма-увозник од Скопје, биле откриени 180 пара патики со лого на трговските марки Адидас и Каппа. Поради основано сомневање дека се работи за фалсификати на заштитени трговски марки, стоката е привремено задржана и согласно одредбите од Законот за заштита на правата од интелектуална сопственост, ќе биде започната постапка за утврдување на оригиналноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Притвор за српски државјанин кој кај Гевгелија возел со лажни италијански таблички

Основното јавно обвинителство Гевгелија поведе постапка против државјанин на Република Србија осомничен за фалсификување исправа.
Осомничениот на 24 јули, на регионалниот пат Гевгелија – Богданци управувал автомобил Фолксваген поло со лажни италијански регистарски таблички.
Полициски службеници во близина на раскрсницата Ѓавато му дале светлосен знак да застане за да извршат редовна контрола. Но осомничениот не запрел туку го забрзал возилото, а полицајците го следеле. Кај местото викано „Карпи“ го оставил автомобилот и побегнал, но по кратко време бил пронајден. Полицијата констатирала дека осомничениот не поседува сообраќајна дозвола или каква било друга документација за да се утврди потеклото на возилото, додека регистарските таблици припаѓаат на друго возило.
По предлог на јавниот обвинител, судија на претходна постапка од Основниот суд во Гевгелија определи мерка притвор во траење од осум дена за осомничениот.
Црна хроника
Се судрија мотоцикл и трактор во Штипско: тешко повреден 15-годишник

Вчера околу 09.20 часот во СВР Штип било пријавено дека во с.Радање, општина Карбинци, се случила сообраќајна несреќа помеѓу мотоцикл без регистарски ознаки, управуван од 15-годишник од с.Радање и трактор „ИМТ 533“ без регистарски ознаки, управуван од С.И. (45) од с.Голем Габер, општина Карбинци.
Во несреќата со тешки телесни повреди се здобил мотоциклистот, констатирани во Клиничка болница Штип.
Извршен бил увид од увидна екипа од СВР Штип.
Црна хроника
Сообраќајна несреќа на патот Куманово – Крива Паланка, сообраќајот во прекин

АМСМ информира за прекин на сообраќајот на патот Куманово – Крива Паланка поради сообраќајна несреќа.
Поради сообраќајна незгода, сообраќајот на магистралниот пат Куманово – Крива Паланка, кај ресторан „Фемили“ од 13:00 часот е во прекин, соопштија надлежните.