Црна хроника
Откриени уште три лица вмешани во трговијата фалсификувани таксени марки

По откривањето на обидот за криумчарење фалсификувани судски марки во вкупна вредност од околу 7 милиони денари на царинската испостава Јажинце на 13-ти ноември, истрагата дојде до уште други три лица инволвирани во продажбата на фалсификувани таксени марки
Во два наврата минатиот месец царинските инспектори од пред зградата на Основниот Суд Скопје 2, купиле судски и административни таксени марки од две лица кои ги продавале на тезга. Купените марки биле дадени на вештачење во Министерството за внатрешни работи – Оддел за криминалистичка техника, каде по извршеното вештачење биле утврдени разлики во квалитетот на хартијата, техниката на печатење на образците, државниот грб, перфорацијата, сјајот и интензитетот на застапените бои, односно констатирано е дека судските марки биле фалсификувани. Во рамки на истрагата царинските инспектори извршија информативен разговор со двете лица, а при личен личен претрес, кај нив беа пронајдени околу 200 судски и административни таксени марки од по 50 и 10 денари, за кои по вештачењето е утврдено дека сите, освен судските марки од 10 денари, се фалсификати. За време на информативниот разговор, двете осомничени лица објасниле дека таксените марки ги купувале од околните трафики, како и од лице со иницијали Х.Б., од кое набавиле вкупно 550 судски и административни таксени марки по цена од 35 денари парче, а кои претходно биле купени од Косово за сума од 500 евра. Осомничените изјавиле дека на добавувалот Х.Б. требало да му ги исплатат парите по продажбата на марките. Трето-осомничениот, следниот ден е пронајден со себе носејќи 50 административни таксени марки од по 50 денари, за кои повторно беше утврдено дека се фалсификат. Царинската управа поднесе кривични пријави против двајцата дистрбутери, како и против добавувачот, кои се сомничат за сторено кривично дело „Фалсификување на знаци за вредност“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.
Црна хроника
Четирицикл удрил во пешаци во Битолско: четворица повредени

На 24.08.2025 во 16:25 часот во СВР Битола било пријавено дека на регионалниот пат Меџитлија- Старавина се случила сообраќајна несреќа во која четирицикл со битолски регистарски ознаки, управуван од Н.Ј.(36) од општина Новаци, удрил во пешаците Х.С.(25) и В.Т.(36), двајцата од Прилеп.
Во несреќата пешаците се здобиле со тешки телесни повреди, а возачот Н.Ј. и сопатникот од четирициклот С.Р.(32) од Австралија се здобиле со телесни повреди, констатирани во Клиничката болница Битола.
Увидот го извршила увидната екипа на СВР Битола.