Контакт

Црна хроника

Царинска управа во декември поднесе 17 кривични пријави против 9 правни и 27 физички лица

Објавено пред

Постапувајќи по констатираните неправилности, Царинската управа на Република Македонија во декември 2009 година до надлежните јавни обвинителства поднесе 17 кривични пријави против 9 правни и 27 физички лица

dobivaj vesti na viber

Кривичните пријави се поднесени поради постоење на основано сомнение за сторени кривични дела царинска измама, криумчарење, фалсификување на знаци за вредност, увоз или пуштање во промет на акцизна стока, неовластено производство и промет со општоопасни материи и фалсификување исправа.  Седум кривични пријави се поднесени против седум правни и седум физички лица за сторено кривично дело „Царинска измама“, од кои:Една кривична пријава е поднесена против правно лице од Тетово и неговото одговорно лице, државјанин на Република Турција, поради тоа што избегнале плаќање на царински и други давачки во вкупен износ од 2.008.684,00 денари, со приложување на лажни фактури во кои вредноста на стоката е прикажана значително пониска.  Имено, осомничените, со единаесет царински декларации во текот на 2007 година пријавиле за увозно царинење кондиторски производи со потекло од Турција. Поради постоење на основано сомнение дека во фактурите не е прикажана вистинската вредност на стопката, Царинската управа ги испрати предметните фактури на проверка кај царинската служба на Турција, која повратно информираше дека истите се разликуваат од фактурите издадени од страна на извозникот и тоа наместо прикажаниот износ на царинскиот орган од вкупно 150.704 евра, истата изнесува вкупно 255.255 евра. Со решенија во управна постапка, правното лице е задолжено да ја плати разликата на избегнатите давачки.Една кривична пријава е поднесена против правно лице од Тетово и неговото одговорно лице, македонски државјанин, поради тоа што избегнале плаќање на царински и други давачки во вкупен износ од 376.784,00 денари, со приложување лажен доказ за потекло ЕУР1. Имено, осомничените, со три царински декларации во текот на 2008 година, увозно оцариниле разна стока со турско потекло, за која приложиле лажен доказ за потекло- ЕУР.1, врз чија основа стоката се стекнала со преференцијален третман и намалени царински давачки. Поради постоење на основано сомнение дека доказот за потекло е лажен, Царинската управа го испрати истиот на проверка кај царинската служба на Република Турција, која повратно информираше дека е лажен. Со решенија во управна постапка, правното лице е задолжено да ја плати разликата на избегнатите давачки. Една кривична пријава е поднесена против правно лице од Тетово и неговото одговорно лице, македонски државјанин, поради тоа што избегнале плаќање на царински и други давачки во вкупен износ од 317.335,00 денари со приложување на лажни фактури во кои вредноста на стоката е прикажана значително пониска. Имено, осомничените, со деветнаесет царински декларации во текот на 2008 година, пријавиле за царинење разна стока за која при спроведување на увозната царинска постапка приложиле фактури со помал износ за транспортни и манипулативните трошоци, кои согласно Царинскиот закон, се вклучуваат во царинската основица за пресметка на увозните давачки. По извршената проверка на сметководствената евиденција од страна на Одделението за контрола на трговски друштва, пронајдени се фактури за реалните транспортни трошоци на стоката кои се разликуваат од фактурите прикажани на царинскиот орган. Истовремено со една царинска декларација е утврдено погрешно распоредување на стока во тарифна ознака, односно наместо пријавената тарифна ознака со стапка на царина од 6%, истата се распоредува во тарифна ознака со стапка на царина од 17,5%. Со решенија во управна постапка, правното лице е задолжено да ја плати разликата на избегнатите давачки.Една кривична пријава е поднесена против правно лице од Тетово и неговото одговорно лице, македонски државјанин, поради тоа што избегнале плаќање на царински и други давачки во вкупен износ од  195.882,00 денари со приложување на лажна фактура во која вредноста на стоката е прикажана значително пониска. Имено, осомничените, со една царинска декларација во ноември 2009 година започнале постапка на увоз на балони со потекло од Италија. При детален преглед на товарното моторно возило и стоката пронајдени се непријавени 2.689.130 балони и 1.303 пумпи за балони, со вредност од 993.983,00 денари. Непријавената стока е привремено одземена.Една кривична пријава е поднесена против правно лице од Битола и неговото одговорно лице, поради тоа што избегнале плаќање на царински и други давачки во вкупен износ од 188.892,00 денари, со приложување лажен доказ за потекло. Имено, осомничените, со една царинска декларација во текот на 2008 година, увозно оцариниле разна стока увезена од Грција, за која приложиле лажен доказ за потекло – изјава во фактура, врз чија основа стоката се стекнала со преференцијален третман и наплатени се увозни давачки во намален износ. Поради постоење на основано сомнение дека доказот за потекло е лажен, Царинската управа го испрати истиот на проверка кај царинската служба на Република Грција, која ги потврди сомнежите на Царинската управа на Република Македонија. Со решение во управна постапка, правното лице е задолжено да ја плати разликата на избегнатите давачки.Една кривична пријава е поднесена против правно лице од Скопје и неговото одговорно лице македонски државјанин, поради тоа што избегнале плаќање на царински и други давачки во вкупен износ од  141.913,00 денари со приложување на лажна фактура во која вредноста на стоката е прикажана значително пониска.  Имено, осомничените, со една царинска декларација во декември 2009 година, започнале постапка на увоз на стока со потекло од Република Турција. При детален преглед на товарното моторно возило и стоката, покрај пријавената пронајдени се и 93.330 метри непријавен телекомуникациски кабел и 1.600 сијалици, во вкупна вредност од 778.053,00 денари. Непријавената стока е привремено одземена.Една кривична пријава е поднесена против правно лице од Прилеп и неговото одговорно лице, македонски државјанин, поради тоа што избегнале плаќање на царински и други давачки во вкупен износ од  103.772,00 денари со приложување на лажна фактура во која вредноста на стоката е прикажана значително пониска.  Имено, осомничените, со една царинска декларација во текот на 2009 година пријавиле за царинење текстилни производи и обувки увезени од Пакистан, при што  приложиле лажна фактура со пониска цена и основица за пресметка на увозните давачки, а со тоа избегнале плаќање на вистинскиот износ на царинските давачки. Одделението за контрола на трговски друштва изврши контрола на сметководствената и книговодствена евиденција на правното лице, при што е пронајдена документација во кои вредноста на стоката е повисока, односно наместо прикажаниот износ на царинскиот орган од 2.370,00 американски долари истата изнесува вкупно 7.918,00 американски долари. Со решение во управна постапка, правното лице е задолжено да ја плати разликата на избегнатите давачки.Шест кривични пријави се поднесени против едно правно лице и 10 физички лица, македонски државјани, за сторено кривично дело „,Криумчарење“, од кои:Една кривична пријава е поднесена против македонски државјанин од Кавадарци, затоа што на 27.11.2009 година на царинската испостава Деве Баир – влез во Република Македонија, управувајќи товарно моторно возило со македонски регистарски ознаки, се обидел да внесе 76 комплети непријавени бандажи со употребувани гуми и 142 употребувани гуми за товарни и патнички моторни возила. На овој начин пријавениот, со намера да ја избегне царинската контрола, се обидел да пренесе стока во вредност од 420.877,00 денари.Една кривична пријава е поднесена  против четири македонски државјани од Скопје, Гевгелија и Кавадарци, затоа што на 07.12.2009 година преку граничниот премин Богородица – влез во Република Македонија,се обиделе нелегално да пренесат 216 грама златен, 479 грама сребрен накит и машини за изработка и обработка на накит, пронајдени при детален преглед на возилото со бугарски регистарски ознаки и личен претрес на патниците. На овој начин пријавените, со намера да ја избегнат царинската контрола, се обиделе да пренесат стока во вредност од 388.175,00 денари. Пронајдениот накит беше предаден на вештачење во Златара „Рубин“-Скопје, од каде е добиено стручно мислење дека златниот накит е со финост од 585 промили и на сребрениот од 925 промили.Една кривична пријава е поднесена против македонски државјанин од Тетово, правно лице од Тетово и одговорното лице во правното лице, затоа што на 09.12.2009 година на граничниот премин Табановце автопат – влез во Македонија се обидел нелегално да внесат 29 нови врати и 38 нови рамки за врати. Стоката била откриена при детален преглед на товарно моторно возило со македонски регистарски ознаки, сопственост на правното лице од Тетово, а управувано од  првопријавеното лице. На овој начин пријавените, со намера да ја избегнат царинската контрола, се обиделе да пренесат стока од поголема вредност  во износ од 295.010,00 денари.Една кривична пријава е поднесена против македонски државјанин од Гевгелија, затоа што на 26.11.2009 година на влез во Република Македонија на граничниот премин Табановце, управувајќи  товарно моторно возило со чешки регистарски ознаки се обидел да внесе 69  употребувани стари фотоапарати и камери. Стоката била пронајдена во картонски кутии, при детален преглед на возилото. На овој начин осомничениот со намера да ја избегне царинската контрола, се обидел да пренесе стока во вредност од 284.798,00  денари.Една кривична пријава е поднесена против македонски државјанин од Скопје, затоа што на 08.12.2009 година на граничниот премин Табановце-автопат- влез во Република Македонија, управувајќи патничко моторно возило со швајцарски регистарски ознаки, се обидел нелегално да пренесе 7 електрични пумпи за вода марка „ЦАЛПЕДА“. На овој начин пријавениот, со намера да ја избегне царинската контрола, се обидел да пренесе стока во вредност од 166.495,00 денари.Една кривична пријава е поднесена против српски државјанин, затоа што на 06.12.2009 година на граничниот премин Блаце – влез во Република Македонија,како возач на патничко моторно возило со германски регистарски ознаки, се обидел нелегално да пренесе 88 текстилни производи и ремени, за кои износот на увозните и други давачки изнесува 103.540,00 денари.Една кривична пријава е поднесена против тројца македонски државјани сите од Скопје, за сторено кривично дело „Фалсификување на знаци за вредност“. Имено, по откривањето на обидот за криумчарење на фалсификувани судски марки на 13.11.2009 година на царинската испостава Јажинце, Царинската Управа превзеде натамошни дејствија и откри уште три лица инволвирани во продажбата на фалсификувани таксени марки со намера истите да ги употребат и да ги продаваат како вистински, со што сториле кривично дело „Фалсификување на знаци за вредност“.Една кривична пријава е поднесена против македонски државјанин  за сторено кривично дело „Увоз или пуштање во промет на акцизна стока“, затоа што на 12.11.2009 година на влез во Република Македонија преку граничниот премин Табановце при детална контрола на  товарно моторно возило со кое управувал осомничениот помеѓу подот на приколката и дното на контејнерот натоварен на приколката, биле пронајдени 33 штеки цигари марка „Марлборо“ и „Карелиа Слимс“, без контролни маркици,  во вкупна вредност од 25.860,00 денари, со што бил направен обид за избегнување на плаќање на давачки во вкупен износ 42.411,00 денари. Една кривична пријава е поднесена против македонски државјанин за сторено кривично дело ,,Неовластено производство и промет со општоопасни материи“, затоа што на 27.12.2009 година на граничниот премин Јажинце – на влез во Република Македонија, при детален преглед на патничко моторно возило, сопственост на друго лице од Гостивар, а управувано од пријавениот биле пронајдени 856 пиротехнички производи-петарди. На ваков начин пријавениот непрописно пренесувал пиротехнички средства, кои можат да предизвикаат општа опасност за животот на луѓето.Една кривична пријава е поднесени против правно лице од Скопје и пет физички лица за сторено кривично дело „Фалсификување исправа“. Имено, правното лице во текот на 2006, 2007 и 2008 година спровело 57 извозни постапки на текстилни производи при што се поднесени докази за потекло, ЕУР 1 и изјави во фактура, врз чија основа било остварено право на извоз на стока со македонско преференцијално потекло. Поради соновано сомнение во веродостојноста на доказите за потекло, Царинската управа спроведе истрага при што е утврдено дека доказите за потекло не се веродостојни, односно дека осомничените, со допишување во рубриките на уверенијата за движење и на фактурите, извршиле преправки на 50 уверенија за движење ЕУР 1 и на 7 изјави во фактура, со што била опфатена и стока која не се стекнува со преференцијално потекло.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника

Со мопед удрил во 13-годишен пешак и побегнал

Објавено пред

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.

dobivaj vesti na viber

Во несреќата со тешки телесни повреди се здобил малолетникот, констатирани во Општата болница Куманово.

Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.

Прикажи повеќе...

Топ

21-годишно момче загина а две лица се тешко повредени во сообраќајка кај Градско

Објавено пред

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22) од Градско, излетало надвор од коловозот.

dobivaj vesti na viber

Во несреќата со тешки телесни повреди се здобиле возачот и неговите сопатници Љ.О.(21), Б.П.(20) сите од Градско и Х.Л.(22) од с.Ногаевци, општина Градско, констатирани во Општата болница Велес.

Од здобиените повреди починал Љ.О., а од страна на лекар констатирана била смрт. По наредба на Јавен обвинител, телото на починатиот е предадено за обдукција.

Извршен бил увид од увидна екипа од СВР Велес.

Прикажи повеќе...

Црна хроника

Маж од Австралија пронајден починат во хотелска соба во Битола

Објавено пред

На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија.

dobivaj vesti na viber

Од страна на лекар од Итната медицинска помош констатирана била смрт без видливи траги на насилство.

Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.

Прикажи повеќе...

Најново

Европа26 минути

(Видео) Се урна Ф-16 во Полска, пилотот загина

Полски воен авион Ф-16 се урна за време на проба за аеромитинг во Радом, централна Полска, при што загина пилотот,...

Европа31 минута

Мерц: Очигледно е дека нема да има средба меѓу Путин и Зеленски

Германскиот канцелар Фридрих Мерц повеќе не очекува средба меѓу рускиот и украинскиот претседател Владимир Путин и Володимир Зеленски во блиска...

Европа1 час

(Видео) Амбасадата на САД во Украина за рускиот напад: Трамп беше јасен, убиствата мора да престанат

Руските напади врз украинската цивилна инфраструктура се неприфатливи и мора веднаш да престанат, објави амбасадата на САД во Украина на...

Свет15 часа

Фон дер Лајен: Путин мора да седне на преговарачка маса, Европа ќе ја одигра својата улога

Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд...

Топ17 часа

21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко...

Топ17 часа

Битолчанец се удавил во водите на Охридското езеро

Вчера во 12.55 часот во ОВР Струга било пријавено дека во водите на Охридското езеро бил пронајден починат В.Т.(49) од...

Македонија18 часа

Мицкоски до Филипче: Време е да бидат конструктивна опозиција, растот на нето-платата сега е двојно поголем во однос на периодот на Владата на СДСМ

„Добро е да се направи споредба меѓу параметрите што ги прават СДСМ и ДУИ кога тие беа во Владата седум...

Македонија18 часа

Османи: Албанците никогаш нема да прифатат некој друг да одлучува во нивно име

Кандидатот за градоначалник на Чаир од редовите на ДУИ, Бујар Османи, реагираше на последните изјави на премиерот Мицкоски, кој најави...

Македонија20 часа

Арсовска: „Такво време дојде, ем да тепаат жени, ем да глумат жртви дека се тепани“

Градоначалничката на Град Скопје, Данела Арсовска со објава на социјалните мрежи пред утрешното рочиште во Кривичниот суд во Скопје, на...

Македонија21 час

ДУИ: Од Балансер до Бадeнтер, план за рушење на уставниот поредок

Северна Македонија никогаш немала влада- по настроена против Охридскиот договор, против европската иднина и европската интеграција и повеќе од рамнодушна...

Свет22 часа

Сијарто: Европските политичари се најжестоките противници на мирот во Украина

Унгарскиот министер за надворешни работи Петер Сијарто изјави дека европските политичари во моментов се „најжестоките противници на мирот во Украина“,...

Топ23 часа

Го удирале со боксови по целото тело и глава: преку психијатриско вештачење ќе се утврди дали тројцата осомничени свесно го извршиле убиството во Кавадарци

Основното јавно обвинителство Кавадарци донесе Наредба за спроведување истражна постапка против три лица за кои постои основано сомнение дека како...

Македонија24 часа

На ГП Меџитлија откриени над 300 шишиња со хемиски препарати за прскање: спречен обид за криумчарење

Царинските службеници на граничниот премин Меџитлија спречија обид за криумчарење на поголема количина препарати за заштита на растенија. Во раните...

Свет24 часа

(Видео) Напаѓачот од САД се претставувал како жена: оставил морничави пораки

Напаѓачот во училиштето во Минеаполис, кој уби две деца и рани најмалку 17 други, е идентификуван додека полицијата истражува манифест...

Македонија2 дена

СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за...

Македонија2 дена

Родителите од Демир Хисар револтирани: Законот ги принудува учениците на сместување во домови за да добијат превоз

Родители од Демир Хисар изразија незадоволство од измените на законот за средно образование и изразија загриженост за превозот на децата...

Македонија2 дена

(Видео) „Филипче со лаги за економијата во стилот на Заев – не знае чија е јахтата, ама знае дека ќе коалира со ДУИ“, вели Стојаноски

„Денешната прес-конференција на Венко Филипче е најдобар доказ дека СДС е изгубена во сопствените лаги и дека се обидува со...

Македонија2 дена

Сите ученици ќе имаат учебници на почетокот на новата учебна година, и тоа по сите предмети, велат од МОН

Сите ученици ќе имаат учебници на почетокот на новата учебна година и тоа по сите предмети согласно наставните планови во...

Топ2 дена

МВР со детали за пожарот кај „Зебра“: четири возила зафатени од огнот

Денеска, во 2.05 часот, во СВР Скопје било пријавено дека во Скопје, на територијата на Центар, било опожарено патничко моторно...

Македонија2 дена

(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари

ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...