Во текот на вчерашниот ден пријавени се кражби во црвката „Св. Меркуриј“ во селото Мирковци и во манастирот „Св. Никита“ во селото Горњани, кои се дел од општината Чучер Сандево.

Првата кражба во Мирковци е извршена во периодот помеѓу 3 и 5 декември од страна на неколку лица.

Од полицијата информираат дека одземени се предмети и огревни дрва.

Кражбата во манастирот во селото Горњани се случила во периодот помеѓу 4 и 5 декември од страна на едно лице, кое одзело пари.

МВР вели дека се преземаат мерки за расчистување на случаите.

Дваесет и осумгодишна жена од Скопје пријавила дека во станот во кој живеат сестра ѝ и зет ѝ, зетот се обидел да изврши обљуба врз неа.

Според пријавеното, сестрата во моментот не била во станот.

Од МВР велат дека се преземаат мерки за расчистување на случајот.

Основното јавно обвинителство Скопје поднесе обвинителен предлог против едно лице за четири тешки кражби од чл.236 ст.1 т.3 од Кривичниот законик.

Обвинетиот на 18 ноември на автобуската станица на Зелен пазар во Скопје на дрзок начин од една оштетена одзел златен синџир во вредност од 25.000 денари, така што се доближил до неа и ѝ го скинал од вратот. Потоа на 28 ноември на Камен мост од увото на една оштетена со рака скинал златна обетка вредна 15.000 денари, на 1 декември во близина на хотелот „Арка“ на ист начин одзел златна обетка вредна 6.000 денари, а на 3 декември кај Зелен пазар од увото на една оштетена скинал обетка вредна 10.000 денари.

Надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за обвинетиот.