Црна хроника
Една куќа изгоре а две опожарени во Битола

Полицијата ги утврдува причините за големиот пожар, што избувна синоќа во Битола, при што една куќа целосно изгорела, а двете соседни куќи биле зафатени од огнот
Според СВР Битола пожарот избувнал на улицата Солунска во куќата на Х.Ѓ (56), која што целосно изгорела, а потоа се проширил и ги зафатил куќите на Н.С (40) и на Б.К (54).Битолската телевизија Тера јави дека сопственикот на изгорената куќа Христо Ѓоргиевски – Спанаќот, кој се кандидираше за претседател, е повикан на информативен разговор.Соседите се револтирани и велат дека две години се борат, бараат помош од институциите, кои, според нив, тврделе дека го следат и го имаат под контрола Ѓоргиевски.„Во инспекцијата, во социјално, во општината. Им велевме луѓе Спанаќот не е како што треба. Целото ѓубре од градот го бери, цел Баир со Ромите се кај него, некој ден ќе не запали, ќе изгориме сите. Тој ден дојде ете сега. Целата улица, ланец од куќи се зафатени” изјави Наум Стефовски жител на улица Солунска.Соседите не сакаат да претпоставуваат дали пожарот е предизвикан намерно или не, само велат дека се гневни на односот, односно пасивноста на институциите за она на што предупредувале со години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Патници натепале таксист во возило

Вработен во такси компанија синоќа бил физички нападнат од патник во неговото возило и од неговите пријатели, по претходна расправија пред угостителски објект на подрачјето на Ѓорче Петров.
-Во СВР Скопје, вчера 23:15 часот Ѓ.П. (41) од Скопје пријавил дека во 22:40 часот пред угостителски објект на подрачјето на Ѓорче Петров, вработен во такси компанија, по претходна расправија, бил физички нападнат од патник во неговото возило и од неговите пријатели, информираат од МВР.
Од МВР информираат дека се преземаат мерки за расчистување на случајот.
Топ
Во возило откриени 15 мигранти од Египет и Сирија

Вкупно 15 мигранти од Египет и Сирија се пронајдени синоќа во возило на регионалниот пат Богданци–Гевгелија, на место викано „Македонија Пат“, од полициски службеници од Полициската станица за граничен надзор и граничен премин Богородица, информираат од МВР.
Како што информираат од МВР лицата биле предадени во Прифатно-транзитен центар Винојуг, Гевгелија.
-Денеска во 00:30 часот на регионален пат Богданци–Гевгелија, на место викано „Македонија Пат“, полициски службеници од Полициската станица за граничен надзор и граничен премин Богородица забележале патничко возило „мерцедес“ со француски национални ознаки, во кое се превезувало мигранти и кое не застанало на знак за запирање даден од полициските службеници. Набргу, возилото запрело, по што возачот го напуштил местото, а при преглед во возилото биле пронајдени 15 лица-мигранти, од кои 12 од Египет и три од Сирија, се вели во соопштението од МВР.
Од МВР информирата дека се преземаат мерки за расчистување на случајот.
Црна хроника
Дрвокрадци фатени во Старо Нагоричане, се обиделе да избегаат и прегазат полицајци

Полициски службеници од СВР Куманово вчера лишиле од слобода две лица од Куманово, откако претходно не им дозволиле да извршат контрола на камион натоварен со огревни дрва, физички ги нападнале, а потоа се обиделе да ги прегазат со возилото.
Инцидентот, како што информираат од МВР, се случил вчера во 22:30 часот кај село Макреш, Општина Старо Нагоричани.
-На 23.08.2025 во 22:30 часот полициски службеници од СВР Куманово ги лишиле од слобода Т.Ј.(27) и Б.Ј.(46) од Куманово. Имено, во с.Макреш, општина Старо Нагоричане, полициски службеници забележале паркирано товарно возило „мерцедес“ со кумановски регистарски ознаки, натоварено со огревни дрва, до кое биле двете лица. Притоа, Т.Ј. и Б.Ј. не дозволиле на полициските службеници да извршат контрола на возилото, физички ги нападнале кога се обиделе да ги спречат да избегаат од местото, а откако влегле во возилото се обиделе да ги прегазат со возилото поради што полициските службеници испукале неколку предупредувчки куршуми во воздух. По преземени мерки, лицата биле пронајдени, а било пронајдено возилото со дрвата, стои во соопштението од МВР.
По целосно документирање на случајот, против двајцата ќе биде поднесена соодветна пријава.