Црна хроника
Спречен шверц на кокаин вреден 200.000 евра

Македонското Министерство за внатрешни работи во соработка со германските полициски служби пресече меѓународен канал за шверцување кокаин од Јужна Америка кон Европа, а Македонија била крајна дестинација
Во рамки на заедничката оперативна обработка со кодно име „Франкфурт“, спречена е испорака на наркотична дрога кокаин-паста на релација Перу, преку Германија кон Македонија како крајна дестинација. Притоа се запленети околу два килограма кокаин-паста, како и големо количество брендирана текстилна облека.Во саботата од страна на Единицата за борба против недозволената трговија со дрога до Основното Јавно обвинителство – Скопје, поднесена е кривична пријава против Б.В.(44) и М.П.(39) двајцата од Скопје, поради основано сомнение дека сториле кривично дело „неовластено производство и пуштање во промет на наркотични дроги, психотропни супстанции и прекурзори“. Второпријавената со доказниот материјал е изнесена пред Истражен судија кој на неа и на првопријавениот во отсуство им изрече мерка притвор во времетраење од 30 дена.Малопродажната вредност на запленетиот кокаин се проценува на околу 200 илјади евра. Се претпоставува дека запленетиот кокаин бил наменет за македонскиот пазар, односно за поимотни клиенти кои контактирале со второпријавената.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На Табановце уапсени двајца странски државјани, кај нив биле пронајдени бела прашкаста материја и таблети

Вчера околу 19:00 часот на Граничен премин Табановце, на влез во државата, полициски службеници ги лишиле од слобода 32-годишниот О.Ј. од Унгарија и 37-годишниот А.Б. од Србија.
При гранична проверка и контрола во возилото „тојота“ со унгарска национална ознака, кое го управувал О.Ј, а сопатници биле А.Б. и уште едно лице од Унгарија, во личниот багаж на О.Ј. биле пронајдени и одземени неколку пакувања со бела прашкаста материја, едно шише со бела прашкаста материја и една кутија со 31 капсули. Додека, во личниот багаж на сопатникот А.Б. биле пронајдени неколку пакувања со бела прашкаста материја и таблети.
Тие биле задржани во полициска станица и по целосно документирање на случајот, против нив ќе бидат поднесени сооддветни пријави.
Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.