Црна хроника
Хакерски обид да се измамат Македонци
Непознати хакери денеска преку интернет се обидоа да измамат македонските граѓани со тоа што ја имитрале веб-страницата на една македонска банка и поставиле прашалник во кој треба да се остават податоци за банкарските сметки.
Се работи за електронска порака која била испратена на адреси на македоснки граѓани, а која содржи линк до друга веб-страница со прашалник со логото на ИК Банка. Прашилникот освен основните податоци за името и презимето на граѓанинот, потоа за банкарската сметка, има и поле во кое треба да се напише дури и пинот на електронската картичка од сметката. Хакерите ги наведувале граѓаните да ги остават своите податоците со тоа што во привичната пораката пишувале дека треба да си подигнат пари од Ик Банка што дошле на нивна сметка како повраток на ДДВ за претходната 2009 година. Пораката освен логото на ИК банка била целосно испишана на англиски јазик. Пораката пристигала и на мејлови на граѓани кои не се корисници на услугите на оваа банка.
Измамата ја откри вработен во Форум на кого му пристигнала ваква порака. По нашата пријава во Агенцијата за заштита на личните податоци и во полиција, на линкот со прашалинкот се јавува порака дека страницата е лажна и се работи за измама.
„Случајот е документиран во Одделот за комјпутесрки криминал при МВР и тие постапуваат по пријавата. Се обидуваат да откријат кој и како ги украл податоците од ИК Банка. Најбитно е што де сега нема пријавено никаква штета. Ни еден коминтент на ИК банка нема пријавено штета. МВР е во тесна соработка со ИК Банка околу мерките преземени за заштита на коминтентите“, вели портпаролот на МВР, Иво Котевски.
На поратлот на ИК Банка денеска до пладне беше поставено известување дека се случила таква злоупотреба на нивните податоци. Сепак, не сакаат да дадат официјална изјава за измамата во која цел на напад беше и банката. Од Ик банка не даваат ни информации дали имаат сознание кој го искористил нивното лого и кој после пријавата реагирал на веб-страницата.
Форум утврди дека страницата која првично се отвараше и е дел од хакерската измама е регистрирана на сервер во Канада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.