Црна хроника
Приведените во „Метастаза“ се офајдиле со 165.000 евра

Приведените во полициската акција „Метастаза“ се стекнале со имотна корист од 165.000 евра, а само Фондот за пензиско и инвалидско осигурување го оштетиле за 53.000 евра, соопшти МВР на денешната прес конференција, пренесува Mакфакс
Откривајќи детали за вчерашните апсења, МВР истакна дека во текот на вчерашниот ден беа приведени 33 лица кои беа веднаш изведени пред истражен судија. Распитот на приведените траеше до раните утрински часови, а според неофицијални информации, на сите им е одредена мерка притвор во траење од 30 дена. Полицијата трага по уште четири лица осомничени дека учествувале во криминалот, но тие засега се недостапни за органите на прогонот.Истрагата покажала дека приведените доделувале инвалидски пензии на лица што ги исполнувале условите, но намерно ја одолговлекувале работата, со цел да издејствуваат мито за забрзување на постапката. Истовремено, тие доделувале инвалидски пензии и на лица што не ги исполнувале условите, фалсификувајќи ги документите и подметнувајќи лажни лекарски дијагнози.Тарифата за стекнување со инвалидска пензија се движела од 1.500 до 4.000 евра, а целата работа ја завршувале лица-посредници, кои наоѓале заинтересирани граѓани за стекнување со пензија со поткуп.Меѓу приведените се и претседателот на ревизионата комисија, кардиологот С.Ј., како и претседателот на Првостепената комисија за доделување инвалидска пензија. Овие две лица, според МВР, биле координатори на целата група.Полицијата поднела три кривични пријави – за злоупотреба на службената положба, за фалсификување на документи и за примање на поткуп. Меѓу приведените има кардиолози, пумолози, ортопеди, кои подготвувале лажна документација за стекнување со инвалидска пензија.Истрагата утврдила дека во 57 случаи неправилно се доделени пензии, додека постои сомнение дека станува збор за уште 200 вакви случаи.Полициската акција „Метастаза“ започнала пред една година, од кога била собирана документација за криминалните активности во делот на инвалидските пензии. Полицијата вчера приведе 33 од вкупно 37 лица, а приведувањата биле вршени во домовите на осомничените, но и на нивните работни места. Покрај тоа, биле претресени и 15 станови.Како членови на групата кривично пријавени се: С.Ј.(37), кардиолог на Клиника за Кардиологија и претседател на Комисијата за ревизија за утврдување на инвалидност при МТСП и С.Д. (52), неврохирург на Клиника за Неврологија и член на истата Комисија; Љ.В. (50) психијатар во МТСП и претседател на Комисијата за оценка на работната способност во прв степен при ФПИОМ и четири члена на истата Комисија, инаку лекари вработени во МТСП – П.Г.(58), Л.А.-С.(53) од Тетово, С.Т.(54) од Скопје и Љ.П.(53) од Крива Паланка. Потоа вкупно 17 доктори специјалисти и лекари: З.Б.(48) од Скопје, ортопед во Клиниката за ортопедија, Ѓ.Х.А.(51) од Скопје, психијатар во ЈЗУ Психијатарска болница, О.М.(56) од Скопје, клинички психолог во ЈЗУ Психијатарска болница, Ј.Б.(53) од Скопје, лекар во интерно одделение во Воена Болница, Б.Т.(50) од Скопје, кардиолог на Клиника за Кардиологија, М.Д.(49) од Скопје, невролог во ПЗУ„Неуролаб“ Скопје, Т.П.(53) од Скопје, ортопед на Клиника за ортопедија, И.Б.(46) од Струмица, невролог во Клиниката за Неврологија, А.Ј.(48) од Скопје, психијатар во ЈЗУ Психијатарска болница, В.П.(65) од Скопје, невропсихијатар во ЈЗУ Болница Куманово, Ф.Т.(59) од Скопје, лекар-раководител на физикална терапија при Воена Болница, Љ.Г.(61) од Скопје, пулмолог на Клиника за Пулмологија, Љ.С.(57) од Скопје, рентгенолог, Г.Н.(46) од Скопје, невролог во ПЗУ Поликлиника „Примед“ Скопје, И.В.(54) од Тетово, лекар во Болница за Белодробни заболувања „Лешок“, Ј.М.(53) од Тетово, лекар во ЈЗУ Клиничка болница-Тетово, Е.Ш.(50) од с.Велешта-Струга, лекар во ЈЗУ Болница-Струга, како и лицата В.Д.(45) од Скопје, административен работник во ЈЗУ„Психијатриска Болница“ и М.З.(52) од Скопје, архивар во ФПИОМ, сите горенаведени се пријавени за сторени дела „злосторничко здружување„ и „злоупотреба на службената положба“.Љ.Б.(29), И.Т.(22) и Д.Б.(25) сите од Скопје за сторени дела „злосторничко здружување“, „помагање“ и „фалсификување исправа“. А.К.(45) од с.Глумово, З.Н.(53) од Скопје, техничар–лаборант, вработен во Клиника за трансфузиологија, Ж.П.(62) од Скопје, З.А.(55) од Велес, Д.Т.(64) од Скопје, Р.В.(59) од Велес, М.А.(59) од Скопје и С.З.(50) од Скопје за сторени кривични дела „злосторничко здружување“ и „помагање“. Покрај за горе наведените кривични дела лицата З.Б. и З.Н. се пријавени и за кривично дело „примање поткуп“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Групна тепачка во Батинци

На 29 август 2025 година, околу 23:30 часот, во село Батинци кај Скопје избила групна тепачка во која учествувале повеќе лица, потврдија од МВР.
Според информациите, поради претходно нарушени меѓусоседски и семејни односи, дојде до физичка пресметка помеѓу две групи жители на Батинци, во која биле употребени тврд предмети и остри оружја.
Во првата група учествувале Ф.С. (27), Е.С. (18), Р.С. (22), С.С. (36) и С.С. (29), сите од Батинци, а во втората М.М. (21), Д.М. (20), Е.М. (22), Г.М. (24), Џ.М. (65), сите од истото село и И.Б. (19) од Тетово.
Од МВР информираат дека увид е извршен и случајот е целосно документиран, а по завршувањето на постапката ќе следуваат соодветни кривични поднесоци против учесниците.
Црна хроника
Четири лица, меѓу кои и деца повредени во сообраќајка во Коњари

На автопатот „Гоце Делчев“, во близина на клучката Коњари, вчера попладне се случила тешка сообраќајна несреќа во која се превртело патничко возило „хонда“ со скопски регистарски таблички, информира МВР.
Несреќата се случила на 30 август, околу 13:15 часот, во правец од Свети Николе кон Скопје. Возилото го управувал 36-годишниот З.Н. од Скопје.
Според информациите, со тешки телесни повреди се здобила малолетна сопатничка, а со телесни повреди се здобиле возачот, неговата сопатничка С.Н. (36) и уште едно малолетно лице. Повредените се пренесени во Комплексот клиники „Мајка Тереза“ во Скопје.
Извршен е увид од екипа на СВР Скопје, а причините за несреќата се испитуваат.
Топ
Притвореник побарал лекарска помош и починал во ќелија во затворот во Шутка

Притвореник од Долно Коњари вчера починал во КПУ Затвор Скопје, информираат од полицијата.
-На 30.08.2025 околу 15:30 часот во СВР Скопје од страна на вработен во КПУ Затвор Скопје е пријавено дека М.П. (54) од Д. Коњари, кој бил во притвор, побарал лекарска помош. Од страна на доктор од Итна медицинска помош во 15:58 часот била констатирана смрт, без траги на насилство, се наведува во соопштението од полицијата.