Црна хроника
Случајот „Ореше“ по вторпат во Основниот суд Велес
Обвинетите тврдат дека се невини, дека некој од полицијата им подместува, тврди Ордан Ѓоргиевски
од Дијана Иванова, Велес
Вчера во Основниот суд Велес започна повторното судење на браќата Ордан и Љупчо Ѓеоргиевски за убиството на 74 годишниот Лазо Милошевски од велешкото село Ореше, за кое добија по 12 години затвор, откако скопска Апелација ја укина пресудата и побара судењето да се води од почеток.Главниот претрес почна со испитување на обвинетите браќа и Александар Милошевски, син на убиениот Лазо. Обвинетиот Љупчо изјави дека нема што друго да додаде од она што го кажал пред истражниот судија и на главниот претрес на првото судење. Неговиот брат Ордан откако рече дека се согласува со сето она што досега го кажал додаде:„Не ми е јасно што е она што се води против нас. Осумнаесет сведоци велат дека не сме виновни а овој случај никако да заврши. Ова за мене е монтиран процес од страна на МВР. Не ми е јасно како може платен убиец за што сум јас обвинет, да биде вработен во МВР. И како може човек со големо криминално досие да биде заштитен сведок. Синот на убиениот, на нашиот татко, веднаш по закопот му рекол дека знае кој е убиецот и дека тој бил присутен на погребот“. Тој побара на следното рочиште да биде повикан инспекторот од СВР Велес што го водел овој случај за лично да се соочат како за случајот така и задруги криминални работи. Синот на убиениот рече дека не знае кој е убиецот на неговиот татко. Побара од судот на следното рочиште да донесе материјални докази за штетата што ја имал од првообвинетиот Ѓоре Петровски уште од 1994 година и дека нема никаков доказ за врската меѓу обвинетите Ордан И Љупчо со Петровски кој се наоѓа во САД. И обвинителот и одбраната се согласија да се изврши психолошко-психијатриско вештачење на обвинетите и на заштитниот сведок Бреза, по барање на Апелациониот суд од Скопје. Судот од Министерството за правда побара да биде информиран до каде е постапката за екстрадиција на Ѓоре Петровски од САД. Бранителите побараа притворот на обвинетите да биде заменет со домашен притвор. Судијата Илија Танев побара овој предлог писмено да биде доставен, по што судот ќе се произнесе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.