Црна хроника
Кривична пријава за вработен во ОБСЕ осомничен за педофилија
Норвежанец, вработен во мисијата на ОБСЕ во Македонија е осомничен дека за поседување на детска порнографија во компјутерски систем. Министерството за внатрешни работи поднесе кривична пријава против триесет и осумгодишниот, кој на 16 мај ја напуштил земјава
Полицијата при претрес во неговиот стан, во неговиот приватен лап топ пронашла 150.000 гигабајти порнографски материјали, 300 видео записи со големина од 30 гига бајти во времетраење од осум часа и повеќе од 30.000 фотографии со деца со порнографска содржина.„Од извршениот увид, во еден од компјутерите, во лап топот пронајдени се околу 150.000 гига бајти порнографски материјали во форма на видео записи и фотографии со содржина на детска порнографија, односно порнографски материјали кои визуелно прикажуваат експлицитни полови дејствија со малолетници, како и реални односно немонтирани фотографии кои прикажуваат исто така полови дејствија со малолетници“ изјави портпаролот на МВР, Иво Котевски.Од досегашните направени анализи МВР го нема утврдено идентитетот, а децата кои се наоѓаат на спорните снимки и слики и засега нема индиции дека се од Македонија.Најчесто посетувани сајтови се страниците, од каде може да симне порнографски материјал.На 16 мај тој ја напуштил Македонија.„МВР уште од почетокот на истрагата стапи во контакт со Интерпол и ќе продолжи да презема дејствија за пронаоѓање на лицето и за пронаоѓање и утврдување на други инволвирани, целосно расчистување на случајот и утврдување дали евентуално се работи за синџир составен од повеќе лица за размена на детска порнографија“, вели Котевски.
Од канцеларијата на ОБСЕ во Скопје велат дека соработуваат со надлежните органи за конечно решавање на случајот.
„ОБСЕ најсериозно ја сфаќа кривичната пријава од МВР против вработениот во ОБСЕ. Ќе продолжиме да соработуваме со надлежните во земјата. Со почитување на законските норми и процедури во земјата домаќин, вклучувајќи ја и пресумпцијата на невиност на обвинетиот, ОБСЕ ќе соработува со надлежните во земјата до конечно расветлување на случајот, за да се осигураме дека сите потребни и соодветни чекори се преземени“, стои во писмената изјава од организацијата. ОБСЕ е посветен на сузбивање на детската порнографија и сите форми на сексуално искористување, особено кога се работи за малолетни лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.