Црна хроника
Кривична пријава за скопскиот адвокат Џерков

Министерството за внатрешни работи кривично го гони скопскиот адвокат Киро Џерков осомничен за измама и фалсификување, соопшти МВР
Адвокатот зел околу 900 евра од жена која ја излагал дека покренал судска постапка за парично обештетување на нејзината ќерка, која претходно имала тешка сообраќајна несреќа. Девојката во сообраќајна незгода во 2007 година се здобила со тешки телесни повреди, по што го ангажирале адвокатот да ги застапува во постапката за добивање надомест на штета од КЈУБИ Македонија Скопје.Врз основа на поднесеното барање, од КЈУБИ на пријавениот му бил доставен Предлог вонсудска спогодба на износ од околу 7.300 евра на која сума оштетената не се согласила.Семејството побарало адвокатот да поднесе приватна тужба за што адвокатот побарал околу 900 евра.Во јануари 2008 година семејството ги уплатило парите, а по две години адвокатот им се јавил и ги информирал дека постапката е завршена и дека треба да се обратат кај извршител во Скопје за да ги добијат парите.Семејството неуспешно неколкупати се обидувало да ја добие пресудата од Основниот суд 2 Скопје. Затоа побарале проверка во архивата на судот за да видат дали постои таков предмет. Но, тогаш сфатиле дека се измамени. Под тој број бил заведен предмет кој се однесувал на други лица.Исто така, лани адвокатот направил лажна исправа за која наплатил 9.000 денари, а оштетениот ја искористил во постапката за приватизација на градежно земјиште.Адвокатот му дал фалсификувано решение за приватизација на градежно земјиште коешто го изготвил сам. За ова дело адвокатот ќе одговара за фалсификување на лична исправа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Патници натепале таксист во возило

Вработен во такси компанија синоќа бил физички нападнат од патник во неговото возило и од неговите пријатели, по претходна расправија пред угостителски објект на подрачјето на Ѓорче Петров.
-Во СВР Скопје, вчера 23:15 часот Ѓ.П. (41) од Скопје пријавил дека во 22:40 часот пред угостителски објект на подрачјето на Ѓорче Петров, вработен во такси компанија, по претходна расправија, бил физички нападнат од патник во неговото возило и од неговите пријатели, информираат од МВР.
Од МВР информираат дека се преземаат мерки за расчистување на случајот.
Топ
Во возило откриени 15 мигранти од Египет и Сирија

Вкупно 15 мигранти од Египет и Сирија се пронајдени синоќа во возило на регионалниот пат Богданци–Гевгелија, на место викано „Македонија Пат“, од полициски службеници од Полициската станица за граничен надзор и граничен премин Богородица, информираат од МВР.
Како што информираат од МВР лицата биле предадени во Прифатно-транзитен центар Винојуг, Гевгелија.
-Денеска во 00:30 часот на регионален пат Богданци–Гевгелија, на место викано „Македонија Пат“, полициски службеници од Полициската станица за граничен надзор и граничен премин Богородица забележале патничко возило „мерцедес“ со француски национални ознаки, во кое се превезувало мигранти и кое не застанало на знак за запирање даден од полициските службеници. Набргу, возилото запрело, по што возачот го напуштил местото, а при преглед во возилото биле пронајдени 15 лица-мигранти, од кои 12 од Египет и три од Сирија, се вели во соопштението од МВР.
Од МВР информирата дека се преземаат мерки за расчистување на случајот.
Црна хроника
Дрвокрадци фатени во Старо Нагоричане, се обиделе да избегаат и прегазат полицајци

Полициски службеници од СВР Куманово вчера лишиле од слобода две лица од Куманово, откако претходно не им дозволиле да извршат контрола на камион натоварен со огревни дрва, физички ги нападнале, а потоа се обиделе да ги прегазат со возилото.
Инцидентот, како што информираат од МВР, се случил вчера во 22:30 часот кај село Макреш, Општина Старо Нагоричани.
-На 23.08.2025 во 22:30 часот полициски службеници од СВР Куманово ги лишиле од слобода Т.Ј.(27) и Б.Ј.(46) од Куманово. Имено, во с.Макреш, општина Старо Нагоричане, полициски службеници забележале паркирано товарно возило „мерцедес“ со кумановски регистарски ознаки, натоварено со огревни дрва, до кое биле двете лица. Притоа, Т.Ј. и Б.Ј. не дозволиле на полициските службеници да извршат контрола на возилото, физички ги нападнале кога се обиделе да ги спречат да избегаат од местото, а откако влегле во возилото се обиделе да ги прегазат со возилото поради што полициските службеници испукале неколку предупредувчки куршуми во воздух. По преземени мерки, лицата биле пронајдени, а било пронајдено возилото со дрвата, стои во соопштението од МВР.
По целосно документирање на случајот, против двајцата ќе биде поднесена соодветна пријава.