Црна хроника
Зголемен бројот кражби во автомобили низ Скопје

Расте бројот на кражби од автомобили на подрачјето на Скопје, при што во текот на 2009, споредбено со претходната година, бројот на кражбите пораснал за 6,3 отсто
Во првите шест месеци од 2010 г. бројот на кражби изнесува 1.243. Најчесто се крадат паричници, женски ташни, преносни компјутери.Најзагрозени општини се Битпазар, Карпош, Центар и Чаир и за таа цел одделението за превенција при СВР Скопје од денеска ја започна кампањата “Јас го заклучив мојот автомобил, а вие?“„Нашата цел е граѓаните да превземат мерки на самозаштита и да не станат жртви на кражби во моторни возила“, изјави Розелита Дојчиновска, самостоен инспектор од одделението за превенција при СВР Скопје.Полициските службеници во среда на паркингот спроти хотелот Холидеј Ин ги запираа возачите и им делеа сенки за сонце за автомобили со пораки за самозаштита.Една од пораките е “Не оставај вредни предмети во твојот автомобил“, “Заклучувај ги вратите и прозорите кога ќе го напуштиш автомобилот и за кратко“ и “Кражбите на твојот и на туѓиот автомобил пријави ги на 192“.Проектот ќе трае цело лето во сите општини низ Скопје, а финансиски е поддржан од мисијата на ОБСЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени пијани возачи од Велес, Росоман и од Демир Капија: едниот имал 2,65 промили алкохол во крвта, друг излетал од патот

Ноќеска во 22:55 часот на ул.„Благој Ѓорев“ во Велес, полициски службеници од СВР Велес го лишиле од слобода Ц.Т.(61) од Велес. При контрола на патниот сообраќај, полициските службеници сопреле патничко возило „југо“ со велешки регистарски ознаки, кое го управувал и по преземени мерки било констатирано дека е под дејство на алкохол, односно дека има 2,65 промили алкохол во крвта, по што веднаш бил исклучен од сообраќајот и задржан во полициска станица Велес. По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Денеска (28.08.2025) во 02:10 часот на локалниот пат с.Горно Чичево-с.Долно Чичево, општина Градско, полициски службеници од СВР Велес, го лишиле од слобода Г.П.(42) од Росоман. Истиот, околу 01:50 часот управувајќи патничко возило „фолксваген пасат“ со кавадаречки регистарски ознаки, изгубил контрола над возилото и излетал од патот. По преземени мерки било констатирано дека е под дејство на алкохол, односно дека има 2,44 промили алкохол во крвта. Лицето е задржано во полициска станица Велес и по целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Денеска (28.08.2025) во 00:35 часот на ул.„Маршал Тито“ во Демир Капија, полициски службеници од Полициска станица Демир Капија, го лишиле од слобода Д.Н.(44) од Демир Капија. При контрола на патниот сообраќај, полициските службеници сопреле патничко возило „пежо“ со демиркаписки регистарски ознаки, кое го управувал и по преземени мерки било констатирано дека е под дејство на алкохол, односно дека има 2,31 промили алкохол во крвта, по што веднаш бил ислучен од сообраќајот и задржан во полициска станица Велес. По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Топ
Го удирале со боксови по целото тело и глава: преку психијатриско вештачење ќе се утврди дали тројцата осомничени свесно го извршиле убиството во Кавадарци

Основното јавно обвинителство Кавадарци донесе Наредба за спроведување истражна постапка против три лица за кои постои основано сомнение дека како соизвршители сториле кривично дело – Тешка телесна повреда со смртни последици, согласно член 131 став 4 во врска со став 1 од Кривичниот законик.
Осомничените, од кои двајца се на возраст од 27 години и еден 35-годишник, на 27 август околу 5 часот наутро, имале вербална расправија со оштетениот во казино во Кавадарци.
Потоа излегле надвор, физички го нападнале и го удирале со боксови и клоци по целото тело и глава. Оштетениот се обидел да влезе во казиното, но изгубил свест. Со ударите му нанеле повеќе тешки телесни повреди од кои починал.
Во текот на истражната постапка ќе бидат обезбедени сите докази и ќе се врши психијатриско вештачење на осомничените, па доколку се утврди дека кај нив постоела свест и намера да го лишат од живот оштетениот, можна е преквалификација на делото во убиство.
Јавниот обвинител до судијата на претходна постапка од Основниот суд во Кавадарци поднесе и предлог за определување мерка притвор за тројцата осомничени, особено имајќи ја предвид опасноста од бегство. На ова укажува и нивното однесување веднаш по настанот, бидејќи тие се оддалечиле од местото и не се пријавиле самите во полиција. Наместо тоа, отишле заедно во стан на едниот од осомничените. Од тие причини јавниот обвинител оцени дека притворот е неопходен за непречено водење на постапката и обезбедување на сите докази.
Црна хроника
Кривична против полицаец од Интервентна поради поткуп

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје, во соработка со Одделот за сузбивање на организиран и сериозен криминал при МВР поднесе кривична пријава против А.Б. на работно место виш полицаец во Единица за интервентна полиција при СВР Скопје, поради постоење основи на сомнение дека сторил кривично дело „давање поткуп“ по член 358 став 1 од КЗ.
Според документираните сознанија, пријавениот во текот на февруари и март годинава посредувал кај друг полициски службеник вработен на ГП Долно Блаце, односно понудил и дал поткуп со цел полицискиот службеник да не ја изврши својата службена должност, односно да не евидентира влез во државава на македонски државјанин на ГП Долно Блаце, така што од негова страна евидентиран е турски државјанин. Пријавениот е лишен од слобода и задржан во полициска станица, а од страна на Основниот кривичен суд Скопје изречена му е мерка претпазливост и забрана за вршење на дејност. Воедно ОВККИПС против А.Б. ќе поднесе и предлог за поведување на постапка за кршење на работниот ред и дисциплина.