Црна хроника
Илиевски пуштени од притворот

Млекарот Душко Илиевски заедно со неговиот брат и татко излегоа од притвор, откако истражен судија од битолскиот суд донесе решение за укинување на притворот и ги пушти да се бранат од слобода
„Дефинитивно излегоа од притвор, сега моментално се наоѓаат во нивниот дом. Тука има собрано многу граѓани кои ја поздравија одлуката на судот“ изјави за Макфакс, адвокатот на фармерите, Васко Георгиев.Случајот на Илиевски од одделот за организиран криминал при основното јавно обвинителство во Скопје се врати во битолското јавно обвинителство.Скопското обвинителство се прогласило за ненадлежно да одлучува за овој случај бидејќи тука немало организирано одгледување на марихуаната. Како што ни изјави Георгиев, решението било донесено на предлог на јавниот обвинител од Битола.МВР ги сомничи Илиевски за недозволено производство на марихуана. Битолската полиција во градината на семејството Илиевски во Градско поле, пронајде 207 стебла канабис сатива. Илиевски тврдеше дека тоа е див коноп и дека ова е политичка хајка против него.СДСМ обвини дека Илиевски, кој на последниот митинг на СДСМ ја критикуваше власта, е нејзина жртва, а ВМРО– ДПМНЕ реагираше што СДСМ брани луѓе кои одгледуваат дрога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Тешко повреден 15-годишник од Канада: со мопед удрил во лисица во Охридско и паднал

Денеска (29.08.2025) околу 03:30 часот во СВР Охрид e пријавено дека на ул.„Радојца Новичиќ“ во Охрид, 15-годишен малолетник од Канада, a со престој во с.Долно Лакочереј, охридско, управувајќи мопед „априлија“ со охридски регистарски ознаки, удрил во лисица и паднал на коловозот.
Во несреќата со тешки телесни повреди се здобил малолетниот возач, констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид.
Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.