Црна хроника
Четворица лесно повредени во верижна сообраќајка

Верижна сообраќајна незгода се случи ноќеска на главната улица во Велес, во коај за среќа учесниците минале само со лесни телесни повреди
На главната улица, пред ресторан Панини, ноќеска околу 2.30 часот се случи сообраќајна незгода во која во верижен судир се удриле четири автомобили и еден скутер. При судирот четири лица се здобиле со лесни телесни повреди кои по лекарската интервенција во хируршкотоодделение во велешката болница се пуштени на домашно лекување.До незгодата дошло кога автомобилот Алфа ромео кој го управувал И.Б.(27) од Велес се движело зад патничкото возило Пежо 307, управувано од дваесет и седумгодишниот Д.С, удрило во него. Од ударот пежото се занело десно и удрило во паркирана Опел корса, паркирано од триесет и две годишниот А.Т. Потоа корсата удрила во скутерот, а тој во полото, паркирано од дваесет и шест годишниот Т.Т. Според првичните информации до сообраќајната незгода дошло поради тоа што возилата не држеле потребно растојание на движење меѓу себе.Екипа на СВР Велес извршила увид на местото на несреќата и по целосно документирање на случајот сторителите соодветно ќе бидат казнети
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Поради несреќа, сообраќајот на експресниот пат Штип е во прекин

Поради сообраќајна незгода од 08:10 часот сообраќајот на експресниот пат Штип, после с.Лакавица е во прекин, соопштија од АМСМ.
Како што додаваат од АМСМ, сообраќајот ќе се пренасочува по магистрален пат А4, Штип – Радовиш.
Топ
Најмалку 50 загинати во пожар во дискотека во Кочани

Најмалку 50 лица се загинати во дискотека во Кочани во која ноќеска избувнал пожар за време на концерт на позната група.
Според неофицијалните информации, пожарот избувнал околу 3 часот, поради употреба на пиротехнички средства на концертот на кој присуствувале околу 1.500 луѓе.
Повредените се префрлени во болниците во Кочани и Штип.
На Клиника за хируршки болести „Наум Охридски“ во Скопје досега има донесено 27 повредени.
Над 100 млади луѓе се повредени, според првичните информации на екипите на Дирекцијата за заштита и спасување и Центарот за управување со кризи.
Сите надлежни служби, вклучително и јавен обвинител од Основното јавно обвинителство Кочани се на терен.
„Бројот на жртви и повредени се утврдува. Се уште се преземаат дејствија и се врши увид. Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување“, соопштија од Јавното обвинителство.
Црна хроника
Итна интервенција во Мавровско Езеро: две лица се држат за превртен чамец, струја ги носи кон хидроцентралата

Преку единствен број за итни повици 112 во 12.37 часот на ден 15.03.2025 година од страна од случаен минувач добиена е информација за превртен чамец со две лица во Мавровско Езеро. Лицата во моментот се држат за чамецот и самата струја ги носи кон хидроцентралата, информира директорот на ЦУК, Стојанче Ангелов.
„Од наша страна веднаш е стапено во контакт со Диспчерски центар на ЕЛЕМ и со директорот на ХЕЦ Маврово и известен сум дека немаат исправен чамец. Известено е одговорното лице од Ренџерска служба од Национален парк Маврово и од истите известен сум дека имаат чамец и поради силниот ветер во Мавровското езеро има бранови и луѓето не се специјализирани за спасување во води и претставува потенцијална опасност да ги загрози и своите вработени. Во истиот момент преку РЦУК Тетово известени се ПС Маврово, ДЗС Гостивар, Општина Маврово и Национален Парк Маврово ренцерска служба. Испратено е барање до ДЗС за ангажирање на чамец и специјализиран тим за спасување во води. Исто така од наша страна изпратено е барање на МВР за нивна проценка и ангажирање на специјален тим со чамец или хеликоптер се со цел да се спасат двет лица во Мавровското езеро. Известен е директотор на ХЕЦ Маврово привремено да го запре производството на електрична енергија како би се избегнале струите во изерото. Од страна на Раководителот на СОК сум известен дека ќе биде ангажиран хеликоптер со лица од спцијална единица (Тигри), а чамецот ќе биде обезбеден од страна на одговорнот о лице од Ренџерите во Националниот парк Маврово. Во тек е координативната акција за спасување на двете лица во превртениот чамец“, стои во информацијата од првиот човек на ЦУК, Ангелов.