Полицијата се уште не излегува со детални информации за убиството во близина на излезот од Струга на магистралниот пат кон граничниот премин Ќафасан кој се случи во понеделник навечер

Неофицијални извори од Струга велат дека жртви на нападот биле татко и син од селото Делогожда. Како што пренесува потралот Струга Денес, како што кажуваат очевидци, се се одвивало како во акционите филмови.Непознат сторител го попречил патот на возилото на жртвите, марка „опел“„ и прво физички се пресметал, а потоа со огнено оружје испукал три куршума во телото на еден од жртвите и уште два кон другиот, и со голема брзина заминал од местото на настанот. Како што кажува еден очевидец,  сторителот бил со возило марка „форд мондео“.  Застреланите со тешки повреди биле пренесени во струшката болница, но поради обилно крварење таткото починал. Полицијата непосредно по инцидентот го уапсила напаѓачот, а како што најавија од полицијата, повеќе информации за немилиот настан се очекуваат во текот на денот.